Porsche 911

El Vikipedio, la libera enciklopedio
Saltu al: navigado, serĉo
Porsche 911 Carrera
Porsche911997.jpg
Porsche 911
Produktanto: Porsche
Produkta tempo: 1963 - 1989
Klaso: sportaŭto
Karoseriaj versioj: kupeo, kabrioleto, targa
Motoroj: 2,0-litra - 3,3 l boksermotoroj, 96 kW - 221 kW
Longo: (mm) 4.291
Larĝo: (mm) 1.652
Alto: (mm) 1.320
Maso: (kg) 1.080 kg - 1.335 kg
Antaŭula modelo: Porsche 356
Posteula modelo: Porsche 964
Similaj modeloj:

La Porsche 911 [porŝe], aŭ ankaŭ "naŭ-dekunua" aŭ "Carrera", estas la plej konata kaj karakteriza sportaŭto de Porsche. Ĝi estis unuafoje prezentita en 1963 en kadro de la Internacia Aŭtomobila Ekspozicio en Frankfurt am Main kaj aperis unuafoje sur la meerkato en 1964 kiel 901, sed poste tiun ĉi nomon oni ŝanĝis al 911, pro nomuma rajto de Peugeot.

En la poŭpo de 911 troviĝas la karakteriza, aer-malvarmigita 6-cilindra motoro en bokserkonstruaĵo kun neintermiksebla motorbruo kaj speciala dupumpila motorŝmirada sistemo. La karoserian dezajnon skizis - kun helpo de Erwin Komenda - Ferdinand Alexander Porsche, filo de la fondinto Ferry Porsche (Ferdinand juna).

La aŭtomobilo spertis daŭran pluevoluon kun multnombraj derivaĵoj, inkluzive turboŝargilo, ĉiurada funkcio, kabrioleto kaj targo-versioj. Dum paso de la tempo, oni evoluigis multajn konkurversiojn de 911 kaj al aŭtomobilo gajnis diversajn konkursojn kaj dezajnajn premiojn.

Gravaj modelprilaboroj okazis en 1974, 1989,1993 kun gravaj ŝanĝiĝoj ĉe la fronto kaj poŭpo. Tra la jaroj, la pramodelo 901ŝanĝiĝis tiel grave, ke la lasta versio (interna kodo 993) de 1993 jam ne havis eĉ unu saman parton kun la unu praversio de 1963.

En 1997, oni aperigis unuafoje kompletan novan 911-modelon (interna kodo 996). Per tiu ŝanĝo de 993 al 996, la tuta formo estis komplete tralaborita (dezajnita de Harm Lagaay) same kiel la aer-malvarmigita 6-cilindra motoro al akvo-malvarmigita, nedupumpile motorŝmirita versio (en normaj modeloj).

La aktuala modelo de 2004 (interna kodo 997) estas pluevoluigo de 996. Tie denove aperis la optika parenceco al pra-modelo 901.

En la jaroj de 1965 ĝis 1969 kaj en 1976 (por Usono) estis produktita la Porsche 912, kun kvarcilindra motoro, 90 ĈP.

En 1983 aperis Porsche 959, 911-derivaĵo kun ĉiurada sistemo kaj 450 ĈP.