Preĝejo Sankta Mikaelo (Tar)

Preĝejo Sankta Mikaelo
Preĝejo Sankta Mikaelo
	Aerfoto pri preĝejo Sankta Mikaelo en Tar
paroĥopreĝejo • katolika preĝejo
Loko
Ŝtato	Hungario
Municipo	Tar
Bazaj informoj
Religio	kristanismo
Rito	romkatolika eklezio
provinco	Nógrád
diocezo	Vác
dekanujo	Pásztó
Statuso	paroĥa preĝejo
Arkitektura priskribo
Konstruado
Specifo
Konstrumaterialo	masonita
Ligiloj
	v • d • r

La preĝejo Sankta Mikaelo estas romkatolika Monumento historia en Hungario, en Tar (vilaĝo) sur monteto ĉe rando de vilaĝo proksime al la tombejo.

Historio[redakti | redakti fonton]

La unua romanika kirko (la nuna sanktejo) konstruiĝis jam antaŭ ol 1300. La paroĥo mem estis menciita en 1335. En la 14-a jarcento kaj inter 1412-1448 ĝi estis pligrandigita kaj trakonstruita. Tiutempe konstruiĝis la defenda muro. Dum dominado de turkoj la konstruaĵo ruiniĝis. En la 17-a jarcento okazis parte renovigo, poste en 1776 oni plene trakonstruis la preĝejon, ekzemple tiam oni konstruis la turon kaj la galerion. En 1804 nova sakristio konstruiĝis. La orgeno ekfunkciis en 1867. En 1978 arkeologia esplorado, poste renovigo okazis.

Konstruaĵo[redakti | redakti fonton]

La konstruaĵo situas sola en mezo de defenda muro. La fasado komenciĝas per vestiblo, poste sekvas la turo, kiu situas en mezo de la fasado. La sakristio situas en la orienta, la turo en la okcidenta flankoj. Inter ili troviĝas la brikoforma navo. La preĝejo havas 2 enirejojn: ĉe la piedo de la turo kaj ĉe la suda flanko. La sakristio situas en la norda flanko. Interne la arkeologoj trovis mezepokajn freskojn. La predikejo estis farita en la 18-a jarcento, la mebloj post jarcento. la ĉefa altaro estis farita en 1936, ties bildo prezentanta Sanktan Mikaelon pentriĝis en 1942.