Prezidanto de la Verĥovna Rada
| Volodimir Litvin Володимир Литвин |
|
|---|---|
 |
|
| Prezidanto de la Verĥovna Rada, la nacia parlamento de Ukrainio | |
| Komenco de oficeco | 9-a de decembro 2008 |
| Antaŭulo | Oleksandr Lavrinoviĉ (en 2008), Ivan Pljuŝĉ (en 2002) |
|
|
|
| Naskiĝo | la 28-an de aprilo 1956 |
| Nacieco | ukraina |
| Vidu ankaŭ biografian portalon | |
La prezidanto de la Verĥovna Rada, la nacia parlamento de Ukrainio (ukraine Голова Верховної Ради України) estas la prezidanto kaj parolisto de la unuĉambra parlamento de Ukrainio, ĝis 1991 la Supera Soveto de Ukraina SSR. La nomo klare indikas, ke la plenumanto de tiu ofico prezidas la kunvenojn kaj aliajn agojn de la parlamento. La parlamentaj prezidantoj estas elektataj per sekreta baloto el inter la parlamentaj deputitoj. La parlamenta prezidanto estas la unua en la vico de anstataŭantoj por la ofico de la ŝtata prezidanto de Ukrainio, kaze ke tiu ne kapablas plenumi la oficajn laborojn.
La posteno ekzistas ekde la ratifiko de la konstitucio de la Ukraina SSR la 30-an de januaro 1937. Miĥailo Burmistenko, kiu estis nomumita tiutage, estis la unua postenulo. Ekde tiam estis 18 parlamentaj prezidantoj. Ekde la 9-a de decembro 2008, la aktuala postenulo estas Volodimir Litvin.
Taskoj [redakti]
Laŭ artikolo 88 de la aktuala konstitucio de Ukrainio, la parlamenta prezidanto rajtas:
- prezidi parlamentajn kunvenojn,
- organizi la laboron de la parlamento kaj kunordigi ties aktivaĵojn,
- subskribi kaj validigi leĝojn deciditajn pere de la parlamento,
- reprezenti la parlamenton en rilatoj kun la aliaj ŝtataj instancoj de Ukrainio kaj de aliaj ŝtatoj, kaj
- organizi la laboron de la parlamenta dungitaro.
La parlamenta prezidanto laŭ artikolo 83 de la konstitucio ankaŭ rajtas kunvoki specialajn parlamentajn sesiojn, kaj validigi leĝojn kontraŭ kiuj vetois la ŝtata prezidanto en la kazoo ke la parlamento voĉdonas superi la vetoon per du-triona plimulto. Krome li laŭ artikolo 107 de la konstitucio partoprenas en kunvenoj de la konsilio pri naciaj sekureco kaj defendo.
La parlamenta prezidanto kaj liaj/ŝiaj du asistantoj, do parlamentaj vicprezidantoj, ne rajtas estri parlamentan frakcion.
Listo de parlamentaj prezidantoj [redakti]
La sekva tabelo listigas la prezidantojn de la respublika Verĥovna Rada ekde la jaro 1991 kaj la prezidantojn de la Supera Soveto de Ukraina SSR inter la jaroj 1937 kaj 1991:
| nomo | partio/bloko | ekofica dato | oficofina dato | vico / komentoj |
|---|---|---|---|---|
| Volodimir Litvin | Bloko Litvin | 9-a de decembro 2008 | 7 (18) - intertempis anstataŭulo Oleksandr Lavrinoviĉ dum iom pli ol 3 semajnoj | |
| Arsenij Jatsenjuk | Nia Ukrainio-Popola Memdefenda Bloko | decembro 2007 | novembro 2008 | 6 (17) |
| Oleksandr Moroz | Socialista Partio de Ukrainio | julio 2006 | 2007 | 5 (16) |
| Volodimir Litvin | Por Unuiĝinta Ukrainio | majo 2002 | majo 2006 | 4 (15) |
| Ivan Pljushĉ | partie sendependa | Februaro 2000 | majo 2002 | 3 (14) |
| Oleksandr Tkaĉenko | Komunista Partio de Ukrainio | julio 1998 | januaro 2000 | malelektita pro ripeta malobeo de parlamentaj reguloj |
| Oleksandr Moroz | Socialista Partio de Ukrainio | majo 1994 | majo 1998 | 2 (13) |
| Ivan Pljuŝĉ | partie sendependa | decembro 1991 | majo 1994 | 1 (12) |
| Leonid Kravĉuk |  Komunista Partio de Ukrainio |
julio 1990 | decembro 1991 | rezignis kiam elektita ŝtata prezidanto de Ukrainio |
| Volodimir Ivaŝko | junio 1990 | julio 1990 | komisia | |
| Platon Kostiuk | 1985 | junio 1990 | 11 | |
| Kostiantin Sitnik | 1980 | 1985 | 10 | |
| Miĥailo Bilii | 1972 | 1980 | 8-9 | |
| Oleksandr Kornijĉuk | 1959 | 1972 | 4-7 | |
| Pavlo Tiĉina | 1953 | 1959 | 3 | |
| Oleksandr Kornijĉuk | 1947 | 1953 | 2 | |
| Miĥailo Burmistenko | januaro 1937 | septembro 1941 | 1 (posteno paŭzigita pro la Dua Mondmilito) |
