Programlingvo

El Vikipedio, la libera enciklopedio
Saltu al: navigado, serĉo
Lernolibroj pri programado

Programlingvo estas artefarita lingvo, kreita por transdoni komandojn al aparatoj, plejofte al komputiloj. Programlingvoj estas uzataj por krei programojn kiuj kontrolas la konduton de ia aparato kaj por formuli precizajn algorimojn.

Multaj skemoj ekzistas por klasifiki programlingvojn. Oni parolas pri kelkaj generacioj de komputilaj programlingvoj:

  • Unua-generaciaj lingvoj estas maŝinlingvoj, la lingvoj de la procesoro. Ili estas binaraj kaj malfacilaj por homoj.
  • Dua-generaciaj lingvoj estas asemblaj lingvoj. La ordonoj de la procesoro havas simbolajn nomojn.
  • Tria-generaciaj lingvoj estas proceduraj lingvoj kiel Fortran, C, Paskalo, COBOL, Algol kaj BASIC.
  • La kvara generacio estis, kiam tiuj nomoj pereis. Tiuj lingvoj ne estis nur lingvoj. Ili havis datumbazojn, uzanto-interfacajn bibliotekojn, kaj tion kion ni nun nomigas programada medio (angle "integrated development environment").

Ankaŭ ekzistas lingvoj, kiuj ne akordiĝas kun tiu ĉi klasifiko. Objektemaj lingvoj kiel C++, Java kaj Smalltalk pritraktas objektojn. Objekto estas instanco (ekzemplero) de klaso. Kaj objektoj havas metodojn, kiujn vi povas voki por peti, ke la objekto faru ion.

C, Java, Paskalo, Ada, ktp estas ordonemaj lingvoj. Tio estas, ke programoj en tiuj lingvoj konsistas el sekvenco de ordonoj, kiujn oni plenumas strikte unu post la alia. Kontraste, Haskell kaj Lisp estas funkciaj lingvoj. Funkcia programo estas unuopa esprimo (aŭ formulo), kiun oni plenumas per komputi la esprimon. Ĉu lingvo estas ordonema aŭ funkcia, estas sendepende de ĉu ĝi estas objektema. Do ekzemple, ekde la 1970-a jardeko estas objektema versio de Lisp, kaj estas objektemaj versioj de C.

Estas multaj aliaj ecoj de programlingvoj, kiujn oni studas kaj esploras, sed kiujn oni ne mencias ĉi tie.

Hodiaŭ multaj lingvoj subtenas multajn stilojn de programoj. Perl povas esti procedura aŭ objektema kaj ankaŭ C++.

Populareco de programlingvoj[redakti | redakti fonton]

La plej popularaj programlingvoj laŭ TIOBE indekso de programista komunumo:[1]

  1. Java
  2. C
  3. C++
  4. C#
  5. PHP
  6. Objective-C
  7. (Visual) Basic
  8. Python
  9. Perl
  10. JavaScript
  11. Ruby
  12. Delphi/Object Pascal
  13. Lua
  14. Lisp
  15. Transact-SQL
  16. Pascal
  17. PL/SQL
  18. Ada
  19. RPG (OS/400)
  20. D

Lingvoj laŭ jaro de apero[redakti | redakti fonton]

Vidu ankaŭ[redakti | redakti fonton]

Fontoj[redakti | redakti fonton]

Eksteraj ligiloj[redakti | redakti fonton]