Provinco Barcelono

El Vikipedio, la libera enciklopedio
Saltu al: navigado, serĉo
Provinco de Barcelono, Katalunio, Hispanio


Barcelono estas provinco de orienta Hispanio, en la centro de Aŭtonoma Komunumo Katalunio. Limas kun la provincoj Taragono, Ilerdo, Ĝirono, kaj kun la Mediteranea Maro.

Ĝia ĉefurbo estas Barcelono. Ĉirkaŭ 5.330.000 homoj loĝas en la provinco (2007), el kiuj 1.595.110 loĝas en la municipo de Barcelono.

Aliaj urboj en la Barcelona provinco estas L'Hospitalet de Llobregat, Badalona, Cerdanyola del Vallès, Martorell, Mataró, Granollers, Sabadell, Terrassa, Sitges, Igualada, Vic, Manresa, Berga.

Temas pri provinco kiu entenas tre altan loĝantaron danke al la elmigrado allogita dum la tuta 20a jarcento de la eblecoj trovi laborpostenon en la kreskanta industrio dekomence ĉefe tekstila. Dum la unuaj jardekoj de la jarcento venis homoj ĉefe el Aragono kaj el Murcio; post la Hispana Enlanda Milito kaj ĉefe dum la 1960-aj jaroj ankaŭ el Andaluzio kaj Ekstremaduro. La elmigrita loĝantaro kaj ties posteuloj loĝas ĉefe en kvartaloj de kelkaj el la urboj ĉirkaŭ la ĉefurbo Barcelono.

En la provinco eblas trovi tre diversajn areojn nome industriaj, loĝejaj, naturaj, marbordaj ktp.