Provinco Kapisa

El Vikipedio, la libera enciklopedio
Saltu al: navigado, serĉo
Provinco Kapisa
کاپيسا
Afghanistan Kapisa Province location.PNG
Bazaj informoj
Ĉefurbo Mahmud-i Raki
Areo 1 842 km²
Loĝantaro 400 900 (stato de 2007/2008)
ISO-kodo AF-KAP
v  d  r
Information icon.svg

Kapisa (perse کاپيسا) estas unu el la 34 provincoj de Afganio. Ĝi situas nordoriente de la afgania ĉefurbo Kabulo. La ĉefurbo de la provinco Kapisa estas Mahmud-i Raki, la nombron de loĝantoj la afgania registaro taksas je proksimume 400 000.[1] La areo de la provinco ampleksas 1.842 km².[2]

Provincestro ĝis julio 2007 estis Abdul Sattar Murad; li tamen estis senpostenigita fare de la afgania prezidanto Hamid Karzai.[3]

Historio[redakti | redakti fonton]

La provinco kreiĝis fine de aprilo 1964 el partoj de la provinco Parvan, tamen poste inter la jaroj 1978 kaj 2001 plurfoje estis ŝanĝitaj la provincaj limoj. Nuntempe Kapisa najbaras al la provincoj Lagman en la oriento, Panĝŝir en la nordo, Parvan en la okcidento kaj Kabul en la sudo.

La provinco ricevis sian nomon laŭ la historia urbo Kapisa, kiu nuntempe tre probable tamen situas ĵus ekster la provinca limo apud la nuna urbo Begram. Same neklaras la ekzakta situo kaj amplekso de la samnoma historia regiono Kapisa.

La historio de la regiono tre ligiĝas al la armeo de Aleksandro la Granda, kiu dum sia konkeroprovo de Barato inter la jaroj 330 kaj 326 a.K. en la regiono fondis plurajn garnizonajn urbojn, inter ili la urbon Alexandria ad Caucasum, kies situon oni supozas sur la provinca teritorio, kvankam ne konatas la ekzakta loko.

distriktoj[redakti | redakti fonton]

  • Dovom-i Kohistan (aŭ Doŭom- respektive Dowom-e Kohistan)
  • Koh Band
  • Kohistan
  • Mahmud-i Raki (aŭ Mahmud-e Raghi)
  • Nidŝrab (aŭ Nidshrab)
  • Tagab
  • Alasai

Eksteraj ligiloj[redakti | redakti fonton]

oficiala retejo de la provinca registaro

Notoj[redakti | redakti fonton]

  1. nacia enketo pri riskoj kaj vundeblo 2007/8 (angle) en la retejo de la centra statistika organizaĵo de Afganio, PDF-dokumento de 1,77 MB, stato oktobro 2009, paĝo 4
  2. datumoj de la Centra Statistika Organizaĵo de Afganio (angle )
  3. novaĵo de la brita televida kanalo pri la senpostenigo de Murad (angle)