Punkto de Gräfenberg

El Vikipedio, la libera enciklopedio
Saltu al: navigado, serĉo
Punkto G (4)

Punkto de Gräfenberg (ankaŭ markata kiel punkto G) estas tre sentema tereno de vagino. Ĝi troviĝas en antaŭa muro de vagino inter la puba osto kaj la utero. Ĉe kelkaj virinoj povas stimulado de tiu ĉi punkto kaŭzi orgasmon, kunigita kun ejakulo de fluidaĵo.

Kie trovi ĝin?[redakti | redakti fonton]

La grandeco kaj lokigo de la punkto G diferencas ĉe ĉiu virino. Kutime ĝi troviĝas en la dua triono de vagino, rekte malantaŭ la puba osto. Lokaligi la punkton G estas iam malfacile, tial kelkaj virinoj ne kredas, ke ili entute havas ĝin. Oni ankaŭ diras, ke la punkto G troviĝas proksimume 1,25 cm pli profunde ol la plej longa fingro de virino.

Historio[redakti | redakti fonton]

Malgraŭe rektaj pruvoj mankas, oni supozas, ke malnovepokaj kulturoj konis tiu ĉi punkton. Registroj el la 4-a jarcento antaŭ Kristo mencias pri diferencoj de virina „ruĝa kaj blanka fluidaĵo“. Ankaŭ indianoj mencias pri tio en siaj popolfabloj, kiel dum seksa kuniĝo „miksas sin viraj kaj virinaj sukoj“.

La unua mencio pri tiu ĉi punkto aperis en Eŭropo en la jaro 1950 en ĵurnalo International Journal of Sexuology, kiam germana ginekologo d-ro Ernst Gräfenberg (18811957) priskribis tre senteman nervan aron en vagina mukozaĵo. En tiu ĉi loko la vulvo de virino estas plej incitema. Kiel anatomian bazon de tiu ĉi punkto Gräfenberg markis nervaron en vagina mukozaĵo. En siaj asertoj li opiniis el indikoj de pacientinoj, eĉ ne dokumentinte ilin per objektivaj pruvoj. La artikolo ne vekis ĉe faka publiko pli grandan atentemon.

En la jaro 1978 esploristoj Perry kaj Beverly Whipple faris studon, en kiu ili konfirmis konkludojn de d-ro Gräfenberg. Ili ankaŭ omaĝe de la origina malkovrinto nomis tiu ĉi terenon per termino punkto G. La termino mem estis unuafoje uzita en la jaro 1982 en libro de Ladas kaj kunaŭtoroj The G-Spot and Other Discoveries about Human Sexuality.

Al demando, kial la punkto G estis tiel longe misrigardata, Beverly Whipple respondis: „Ĉar ĝi situas sur antaŭa parto de la vagino. Tio estas tereno, kiun oni kutime per palpado ne esploras. Se jam kuracisto tuŝos ĝin, li ricevos seksan reagon kaj kuracistoj estas ekzercitaj, por ke ili sekse ne stimulu siajn pacientojn. Ginekologoj, kiuj tuŝis tiun ĉi terenon laŭ niaj konsiloj, ĉiuj trovis tiun senteman lokon dirante 'Ĉe ĉiuj dioj, ĝi estas tie. Vi pravas!'“

Specoj de virina orgasmo[redakti | redakti fonton]

Virinoj povas atingi orgasmon per kelke da manieroj. Per iritado de la klitoro, per vagina masturbado kaj stimulado de la punkto G.

Virina ejakulo[redakti | redakti fonton]

Gräfenberg estis la unua moderna kuracisto, kiu priskribis tiun ĉi terenon notante ties gravecon por virina seksa kontentiĝo. Li asertas, ke se tiu ĉi punkto estas dum seksa akto senpere iritata (ekz. per fingroj dum masturbado, per peniso aŭ alia objekto enŝovita en vaginon), multe da virinoj atingos orgasmon. La orgasmo povas esti akompanata de ejakulado de fluidaĵo fore rememorigantan spermon el peniso – iam tiu ĉi esprimo estas markata kiel virina ejakulo. Tiu ĉi fluidaĵo ne estas urino. Verŝajne temas pri substanco de glando, kiu estas ĉe virino simila al vira prostato.