Queenstown (Sud-Afriko)

Queenstown (pli frue Queen Victoria) estas grandurbo kaj diocezo en Sudafriko, en provinco Orienta Kablando.

Mapo de Sud-Afriko, kie Queenstown estas trovebla nordoriente)

Bazaj informoj

• Koordinatoj: 31°54′S 26°53′O
• Areo: 115 km²
• Loĝantaro: 154.618 (en 2012)
• Supermara alteco: 1067 m
• Horzono: UTC +2 h

Geografio

Queenstown situas sur altebenaĵo laŭ rivero Komani en la nordorienta parto de la lando. Orient-Londono troviĝas 159, Port Elizabeth 260, Bloemfontein 315, Durbano 456, Johanesburgo 645, Pretorio 701, Kaburbo 822 km.

Historio

Urbodomo de Queenstown

Tiama Queen Victoria estis fondita en 1853 kune kun fortikaĵo. La urbo prosperis daŭre ĝis la ekonomia krizo en la 1930-aj jaroj. En la 1960-aj jaroj la afrikanoj estis movitaj pli orienten, sekve Queenstown iĝis "urbo de blankuloj".

Ekonomio

Queenstown estas centro de la prospera ĉirkaŭa terkultivado.

Trafiko

Queenstown situas laŭ ĉefvojo kaj fervojo inter Orient-Londono kaj Bloemfontein.

Klimato

Queenstown havas subtropikan klimaton. La temperaturo varias inter 3-29 °C. La varmo en januaro kulminas kaj malkulminas en junio kaj en julio. Jare pluvas po 513 mm. La pluvo kulminas en februaro kaj malkulminas julie. En 2002 katastrofa neĝado okazis.

Vidindaĵoj

• fortikaĵo nomata Heksagono
• anglikana preĝejo
• romkatolika katedralo
• urbodomo
• naturrezervejo en la proksimo

Fontoj

• Angla Vikipedio
• loĝantaro
• mapo, distancoj