Rafik Hariri
| Rafik Hariri | |
|---|---|
 libana miliardulo kaj ĉefministro fotita en 2001 | |
| Persona informo | |
| Naskiĝo | 1-a de novembro 1944 en Sidon, Libano |
| Morto | 14-a de februaro 2005 en Bejruto, Libano |
| Mortokialo | atenco |
| Tombo | Bejruto |
| Lingvoj | araba |
| Ŝtataneco | Libano • Sauda Arabio |
| Alma mater | Bejruta Araba Universitato |
| Familio | |
| Patro | Bahaa Hariri |
| Patrino | Hind Hariri |
| Frat(in)o | Bahia Hariri |
| Edz(in)o | Nidal Boustany • Nazik Hariri |
| Infanoj | Saad Hariri • Bahaa Hariri • Fahd Hariri • Hind Hariri • Hossam El-Din Hariri • Ayman Hariri |
| Okupo | |
| Okupo | politikisto • entreprenisto |
Rafik Al-Hariri (naskiĝis 1-an de novembro 1944 en Sidon; mortis 14-a de februaro 2005 en Bejruto) estis libana miliardulo, politikisto kaj ĉefministro de sia lando.
Vivo
Li finstudis en 1964 kaj plustudis en la Araba Universitato de Bejrut. Li estis ekde 1992 ĝis 1998 kaj poste ankoraŭfoje - krom iometa paŭzo - ĝis 20-a de oktobro 2004 ĉefministro de la Libano. Li estis kritikanto de la landaj potenculoj (okupaj fortoj de Sirio) en la lastaj monatoj. Li deziris retiron de la siriaj trupoj el Libano antaŭ la balotoj en majo.
Li staris en la listo de la miliarduloj kun lia familio en 2004 je la 108-a loko kun riĉeco de 4,3 miliardoj da usonaj dolaroj. Li okupiĝis ĉefe pri konstruoj, nemoveblaĵoj.
Morto pro atenco
Li mortis la 14-an de februaro en 2005, pro aŭtobomba atenco en Bejruto. La eksplodo okazis, kiam li traveturis turisman kvartalon. Mortis 8 pliaj homoj, inter tiuj liaj korpogardistoj.
Lia filo estas Saad Hariri.