Reĝlando de Napolo

El Vikipedio, la libera enciklopedio
Saltu al: navigado, serĉo
Flago de la Reĝlando de Napolo
Malhele oranĝe: Reĝlando de Sicilio
Hele oranĝe: Reĝlando de Napolo
Flave: Teritoriaj akiroj de Ladislao la 1-a

La Regno de Napolo, aŭ Reĝlando de Napolo, estis reĝlando kiu konsistis el la suda parto de la Itala duoninsulo. Ĝi estis la resto de la pli antikva Regno de Sicilio post secesio de la insulo Sicilio kiel rezulto de la Sicilia vespro de 1282. En sia epoko estis konata kiel Regno de Sicilio, nuntempe oni nomas ĝin Regno de Napolo por distingi ĝin de la politika organizo bazita ĉe la italaj insuloj. Dum longa tempo de ĝia ekzistado, la regno estis pribatalita inter la francaj kaj aragonaj/hispanaj dinastioj. En 1816, ĝi denove kuniĝis kun la insul-bazita Regno de Sicilio por formi la Reĝlandon de la Du Sicilioj.