Reims
| Reims | |||||
|---|---|---|---|---|---|
 La urbodomo de Reims | |||||
| komunumo en Francio • urbego | |||||
| |||||
| Administrado | |||||
| Lando |  Francio
| ||||
| Regiono | Ĉampanjo-Ardenoj | ||||
| Departemento | Marne | ||||
| Arondismento | Reims | ||||
| Kantono | Reims-1, 2, 3, 4, 5, 6, 7, 8, 9, 10 | ||||
| Komunumaro | Reims Métropole | ||||
| Urbestro | Adeline Hazan (2008–2014) | ||||
| Insee-kodo | 51454 | ||||
| Poŝtkodo | 51100 | ||||
| Demografio | |||||
| Loĝantaro | 179 992 (2010) | ||||
| Loĝdenso | 3 837,8 loĝ./km2 | ||||
| Geografio | |||||
| Koordinatoj | 49° 16′ N, 4° 2′ O (mapo)49.265284.02861Koordinatoj: 49° 16′ N, 4° 2′ O (mapo) | ||||
| Alteco | 74 ĝis 137 m | ||||
| Areo | 46,9 km2 | ||||
| Situo | |||||
| |||||
 | |||||
Reims [ʁɛ̃s] estas urbo en nordorienta Francio. Ĝi havis 179 992 loĝantojn en la jaro 2010[1], kaj pro tio estas la plej loĝata komunumo en la departemento Marne kaj la regiono Ĉampanjo-Ardenoj, kvankam ĝi nur estas subprefektejo.
Reims dum romia tempo estis Durocortorum, sed antaŭe estis ĉefurbo de la galla popolo Rèmes. Ĝi estis la ĉefurbo de la historia provinco de Ĉampanjo, kaj ankaŭ la precipa centro de Ĉampano-keloj. Tie estis kronitaj la reĝoj de Francio, post kiam Kloviso la 1-a igis sin kristano kaj igis sin kroni per Sankta Remiĝo ĉirkaŭ la jaro 500 (laŭ iuj en 498/499, laŭ aliaj en 507).
Reims posedas tri lokojn apartenantajn al la monda heredaĵo de Unesko: katedralon, la bazilikon Sankta Remio kaj la palacon de Tau[2].
Geografio
Reims situas en nordorienta Francio, 130 km de Parizo, 157 km de Metz, 168 km de Lille kaj 282 km de Strasburgo.
Monumentoj
Katedralo Nia Sinjorino
Ĉefa vidindaĵo de Reims estas ĝia katedralo, unu el la plej belaj gotikaj konstruaĵoj. En ĝi la reĝoj de Francio kutime estis kronitaj.
Ĝi estas parto de la Monda Kulturheredaĵo de UNESKO[2] kaj tutmonde fama pro siaj eleganteco kaj harmonieco. Rimarkindaj estas ankaŭ ĝia statuaro kaj ĝiaj vitraloj, precipe la granda rozo.
Baziliko Sankta Remio
Post la katedralo, kiun ĝi preskaŭ egalas laŭ grando, la plej fama preĝejo de Reims estas la baziliko Sankta Remio, dum iu tempo ligita al grava monaĥejo. Ĝi estis konstruita dum la 11-a, 12-a, 13-a kaj 15-a jarcentoj. La navo kaj la ĉefa transepto estas la plej malnovaj partoj; la fasado de la suda transepto estas pli nova.
La Marsa Pordego
.jpg)
La Marsa Pordego estas la plej malnova monumento de la urbo. Ĝia nomo devenas de la romia dio Marso, kiu proksime havis templon. Ĝi ne vere estas pordego, sed triumfarko 33 metrojn longa kaj 13 metrojn alta, konsistanta el tri arkoj.
Ĝemelurboj
Reims havas jenajn ĝemelurbojn:
Esperantistoj el Reims
Referencoj
- ↑ Insee. Populations légales 2010 - 51454-Reims (france). Alirita 6-an de septembro 2013.
- ↑ 2,0 2,1 Cathédrale Notre-Dame, ancienne abbaye Saint-Rémi et palais de Tau, Reims (france). Unesko. Alirita 6-an de septembro 2013.