Reta Vortaro

El Vikipedio, la libera enciklopedio
(Alidirektita el Reta vortaro)
Saltu al: navigado, serĉo

Tiu artikolo temas pri vortaro nomata „Reta Vortaro“. Por vidi liston de esperantaj retaj vortaroj legu ĉi-tie.

Reta Vortaro
Revo.jpg
Mozilla Firefox 3.0.4 gtr eo revo.png
Paĝo de ReVo pri “TTT” kaj rilataj vortoj.
URL http://purl.org/NET/voko/revo/
Ĉu komerca? ne
Tipo de paĝo vortaro
Registriĝo nur por redakti
Lingvaj versioj Esperanto
Proprietulo  ?
Kreita de Wolfram Diestel (teknike)
Lanĉita fine de 1997
Aktuala statuso aktiva

Reta Vortaro (ReVo) estas ĝenerala esperanta vortaro en Interreto.

Ĝi havas kaj esperantlingvajn difinojn de la kapvortoj kaj nacilingvajn tradukojn, krome aldonajn informojn kiel ekzemplajn frazojn, bildojn. Krom la lingvaj indeksoj ĝi havas ankaŭ fakajn indeksojn kaj tezaŭron.

Historio[redakti | redakti fonton]

La projekto estas iniciatita fine de 1997. Origina celo estis krei la rimedojn por elektronika versio de PIV, sed pro mankanta intereso de multaj el la redaktantaro de PIV, la projekto ŝanĝis la celon al kreado de aparta interrete uzebla vortaro. Unu el ĝiaj gravaj fontoj estas Plena Vortaro de Esperanto. La retpoŝta redaktado ekfunkcias fine de 1999.

Funkciado[redakti | redakti fonton]

La redaktado okazas per per reta formularo aŭ per retpoŝta sendo. Oni devas registriĝi ĉe la administrantoj por redaktado. La artikoloj estas formulitaj en propra XML. La diskutado inter redaktantoj kaj interesatoj okazas en dissendolisto. La enhavo kaj la iloj estas akireblaj laŭ GPLpermeso.

PIV kaj Revo havas komunan historian bazon en la materialo de Plena Vortaro de Esperanto. Tamen la evoluigo okazis laŭ malsamaj vojoj. Dum PIV provas doni senmankan ĝeneralan vortaron per enpreno de terminaroj kaj proponoj, Revo prefere registras la uzatan lingvon. Ĝi postulas, ke redaktantoj donu almenaŭ du fontojn por nova vorto, el kiu almenaŭ unu ne estu vortaro. Alivorte, dum PIV certagrade celas preskribon de la lingvouzado, Revo pli orientiĝas al ĝia priskribo.

Evoluo[redakti | redakti fonton]

Je 2004-02-17, ReVo entenis la sekvajn:

  • Kapvortoj: artikoloj: 8473 , derivaĵoj: 17825, sencoj: 23457, bildoj: 224
  • Tradukoj: rusaj: 25878, germanaj: 23891, francaj: 19643, nederlandaj: 15500, hungaraj: 14713, belarusaj: 12643, anglaj: 11138...
  • Fakvortoj: matematiko: 1222, botaniko: 765, zoologio: 736, ekonomiko, financo, komerco: 584, medicino, farmacio: 441, komputiko: 387...

Je 2006-02-17:

  • Kapvortoj: artikoloj: 9147, derivaĵoj: 20366, sencoj: 25993
  • Tradukoj: rusaj: 30875, hungaraj: 30489, francaj: 28681...
  • Fakvortoj: matematiko: 1235, botaniko: 834, zoologio: 802...

Je 2007-02-17:

  • Kapvortoj: artikoloj: 9533, derivaĵoj: 21189, sencoj: 27124
  • Tradukoj: rusaj: 31228, hungaraj: 30931, francaj: 29867...
  • Fakvortoj: matematiko: 1222, botaniko: 856, zoologio: 822...

Je 2010-01-27:

  • Kapvortoj: artikoloj: 10242, derivaĵoj: 22979, sencoj: 29124
  • Tradukoj: francaj: 31932, hungaraj: 31916, rusaj: 31765...
  • Fakvortoj: matematiko: 1238, botaniko: 918, zoologio: 886...

Je 2013-02-20:

  • Kapvortoj: artikoloj: 10800, derivaĵoj: 24495, sencoj: 30746
  • Tradukoj: francaj: 34199, rusaj: 32136, hungaraj: 32113...
  • Fakvortoj: matematiko: 1240, zoologio: 1057, botaniko: 947...

Je 2014-03-07:

  • Kapvortoj: artikoloj: 11103, derivaĵoj: 25384, sencoj: 31698
  • Tradukoj: francaj: 35998, rusaj: 32307, hungaraj: 32159...
  • Fakvortoj: matematiko: 1259, zoologio: 1074, botaniko: 983...

Vidu ankaŭ[redakti | redakti fonton]

Eksteraj ligiloj[redakti | redakti fonton]