Richard Strauss
| Richard Strauss | |
|---|---|
 germana komponisto |
|
| Naskiĝo | 11-a de junio 1864 en Munkeno, Germana Imperio |
| Morto | 8-a de septembro 1949 en Garmisch-Partenkirchen, Bavario, FRG |
| Portalo pri Homoj | |
Richard STRAUSS (naskiĝis la 11-an de junio, 1864, mortis la 8-an de septembro 1949) estis germana komponisto kaj direktisto.
Strauss naskiĝis en Munkeno. Dum sia infanaĝo li vivis en muzika etoso, ĉar lia patro estis fama kornisto de la operorkestro en Munkeno. Tiel la juna Richard komponis sian unuan verkon sesjaraĝe.
Sed estis lia sinfonia poemo Don Juan, kiu en 1889 tondre malkovrigis la junan genion al la mondo.
Sekve li verkis aliajn famajn sifoniajn poemojn, inter ili Tiel parolis Zaratuŝtro, kiun Stanley Kubrick uzis en sia filmo 2001: A Space Odyssey.
En 1905 la genio de Richard STRAUSS denove kaj skandale eksplodis per la opero Salomeo.
Dum la nazia epoko, kiam, en 1935, la regantoj malpermesis ke li laboru pri libreto de Stefan Zweig, li forlasis sian postenon kaj foriris al montara domo.
Post la milito li ankoraŭ komponis tre belajn koncertonj kaj lidojn. Strauss mortis en Garmisch-Partenkirchen, Bavario.
Listo de operoj [redakti]
- Guntram (1894)
- Salomeo (1905)
- Elektra (1909)
- Der Rosenkavalier (1911)
- Ariadne auf Naxos (1912)
- Die Frau ohne Schatten (1919)
- Intermezzo (1924)
- Die Aegyptische Helena (1928)
- Arabella (1933)
- Die Schweigsame Frau (1935)
- Friedenstag (1938)
- Dafne (1938)
- Capriccio (1942)
- Die Liebe der Danae (postmorta, 1952)
Aliaj projektoj [redakti]
Komunejo proponas multimediajn dosierojn al temo sub la gloso Richard Strauss
