Robert Baden-Powell

Reviziita versio de ĉi tiu paĝo, aprobita je 22 okt. 2013, estis bazita sur ĉi tiu versio.

Robert Stephenson Smyth BADEN-POWELL (elp. [ˈbeɪdən ˈpoʊ.əl]), konata ankaŭ kiel B-P kaj Lordo Baden-Powell (naskiĝis la 22-an de februaro 1857 en Londono, mortis la 8-an de januaro 1941 en Nyeri, Kenjo) estis fondinto de skoltismo, internacia movado por infanoj kaj junuloj. La celoj de skoltismo estas i.a. eduki la junularon aktivaj civitanoj. Lia edzino estis Olave Baden-Powell.

1870 Vizitadas la lernejon Charterhouse, Londono.
1872 La lernejo Charterhouse translokiĝas al Godalming. BP aliĝas al la piedpilka teamo, partoprenas en teatraĵoj kaj ofte forlasas la lernejon por esplori la ĉirkaŭaĵojn. La lernejo ne vere altiras lin kaj li ofte kaŝas sin de siaj profesoroj.

Baden-Powell kaj Esperanto

Pri Esperanto Baden-Powell skribis en sia plej konata verko Skoltado por knaboj :

“

Se vi deziras ke via patrolo havu sekretan lingvon, lernu Esperanton. Ne estas malfacile kaj la lernolibro kostas nur dek cendojn. Tiu lingvo estas uzata en ĉiuj landoj: vi povos elturniĝi per ĝi eksterlande.

”

Tiu frazo malaperis el la eldonoj de la verko kiujn li mem ne revizis.