Rolle

El Vikipedio, la libera enciklopedio
Saltu al: navigado, serĉo
Rolle
Blazono de Rolle
Blazono de Rolle
Kastelo de Rolle
Kastelo de Rolle
Kantono Vaŭdo
Distrikto Nyon
Koordinatoj  46°27′28″N 6°20′17″O  /  46.45778°N, 6.33806°O / 46.45778; 6.33806 (Rolle)Koordinatoj: 46°27′28″N 6°20′17″O  /  46.45778°N, 6.33806°O / 46.45778; 6.33806 (Rolle)
Nombro de enloĝantoj 5847
Areo 2,74 km²
Alteco 376 m super marnivelo
Poŝtkodo 1180
Komunumkodo 5861
Mapo de Rolle
Situa mapo de Rolle

Rolle estas historia urbo kaj komunumo en la distrikto Nyon de Kantono Vaŭdo, Svislando. Ĝi havis 5015 loĝantojn je la 31-a de decembro 2007, kiu nombro kreskis al 5847 ĝis la 31-a de decembro 2012.

Geografio[redakti | redakti fonton]

Rolle situas inter Ĝenevo kaj Laŭzano ĉe la suda bordo de la Lago Lemano. La komunumo konsistas el la historia urbeto, kelkaj vilaaj kvartaloj kaj vitobienoj.[1]

La teritorio de la komunumo etendiĝas sur areo de 2,74 km², de kiuj 3,3% estas kovritaj de arbaro, 31,0% servas por agrikulturo kaj 63,5% por setlado. [2]

Najbaraj komunumoj[redakti | redakti fonton]

La komunumo Rolle limas en nordo al Mont-sur-Rolle, en oriento al Perroy, en sudo al la Lago Lemano, en sudsudokcidento al Bursinel, en okcidento al Gilly, en norokcidento al Tartegnin, kaj en nordnordokcidento al Essertines-sur-Rolle.

Trafiko[redakti | redakti fonton]

Morges situas ĉe la trajnlinio de Svisaj Federaciaj Fervojoj de Laŭzano al Ĝenevo kaj disponas pri propra alveturo al la nacia aŭtoŝoseo A1 de Ĝenevo tra Laŭzano, Friburgo, Berno, Zuriko, Sankt-Galo al Sankt-Margreto. La loko ankaŭ estas servata de la ŝiptrafiko sur la Lago Lemano.

Historio[redakti | redakti fonton]

La unua dokumenta mencio de Rolle datiĝas el la jaro 1294 kiel Castrum Rotuli.

La efektiva fondo de la urbeto Rolle okazis en la jaro 1318 sub la regado de Ludoviko la 2-a de Savojo apud la jam ekzistanta kastelo.

Post la konkero de Vaŭdo fare de Berno en la jaro 1536 Rolle fariĝis parto de la voktejo Morges. Post la disfalo de la Malnova Reĝimo pro la Helveta Revolucio la urbeto de 1798 ĝis 1803 estis parto de la Kantono Lemano. Dum la epoko de la meditacio Rolle integrigĥis en la tiam kreita Kantono Vaŭdo kaj fariĝis ĉefloko de la samnoma distrikto. La distrikto Rolle fine de 2008 estis integrita al la distrikto Nyon kaj malaperis.[3]

Esperanto-movado[redakti | redakti fonton]

En 1903 en Rolle estis fondita Svisa Esperanto-Societo, kiu en 2003 samloke festis sian 100-jaran jubileon. En 1909 estis en Svisa Espero raportita pri ekzisto de Esperanto-Grupo en Rolle. [4]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Germain Hausmann: Rolle en Historia Leksikono de Svislando (2010-11-16)
  4. (Fonto: Andreas E. Künzli: Universalaj Lingvoj en Svislando p 184 kaj 187)

Eksteraj Ligiloj[redakti | redakti fonton]