Romba dekduedra kahelaro
| Romba dekduedra kahelaro | |
| |
| Speco | konveksa unuforma kahelaro de eŭklida 3-spaco duala |
| Edroj | Romboj |
| Ĉeloj | Rombaj dekduedroj V3.4.3.4 
|
| Geometria simetria grupo | Fm3m |
| Propraĵoj | Latero-transitiva, edro-transitiva, ĉelo-transitiva |
| Duala | Kvaredro-okedra kahelaro |
En geometrio, la romba dekduedra kahelaro estas kahelaro de eŭklida 3-spaco. Ĝi estas la figuro de Voronoi de la edro-centrita kuba sfera pakigo, kiu estas (kiel oni opinias) la plej densa ebla pakigo de egalaj sferoj en eŭklida 3-spaco (vidu en keplera konjekto).
Ĝi konsistas de kopioj de sola ĉelo, la romba dekduedro. Ĉiuj edroj estas romboj, kun diagonaloj en la rilatumo √2. Tri ĉeloj kuniĝas je ĉiu latero. La kahelaro estas tial ĉelo-transitiva, edro-transitiva kaj latero-transitiva, sed ĝi ne estas vertico-transitiva ĉar ĝi havas du specojn de vertico. Je la verticoj kun la malakutaj rombaj edraj anguloj kuniĝas 4 ĉeloj. Je la verticoj kun la akutaj rombaj edraj anguloj kuniĝas 6 ĉeloj.
La romba dekduedro povas esti tordita sur unu de ĝiaj seslateraj sekcoj al formo trapezo-romba dekduedro, kiu estas la ĉelo de ia simila kahelaro kiu estas la figuro de Voronoi de seslatera proksima pakigo.