Ruĝeca ajmofilo

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Ruĝeca ajmofilo
Ruĝeca ajmofilo
Ruĝeca ajmofilo
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Paseroformaj Passeriformes
Familio: Emberizedoj Emberizidae
Genro: Aimophila
Specio: A. rufescens
Aimophila rufescens
(Swainson, 1827)
Konserva statuso
{{{220px}}}
Konserva statuso: Malplej zorgiga
Aliaj Vikimediaj projektoj
v  d  r
Information icon.svg

La Ruĝeca ajmofilo (Aimophila rufescens) estas specio de birdoj de la familio de Emberizedoj kaj genro de Ajmofiloj, kiu enhavas speciojn kun rimarkindaj kapobildoj.

Ĝi estas malgranda birdo troviĝanta en Belizo, Kosta-Riko, Salvadoro, Gvatemalo, Honduro, Meksiko kaj Nikaragvo. Resume la teritorio okupas el nordookcidenta Meksiko al Kosta-Riko. Ties natura biotopo estas subtropikaj aŭ tropikaj sekaj arbaroj, humidaj montararbaroj kaj altaltitudaj arbustaroj.

Karakteroj[redakti | redakti fonton]

Ĝi estas ĉirkaŭ 18.5 cm longa kaj pezas ĉirkaŭ 36 g. Ĝi havas tre ruĝecan kaj larĝan kronon iom bordita je nigro komence kaj tre rimarkindan nigran mustaĉan strion kun supra blanka ne tiom markata strio. La dorso estas bruna malhele strieca, la flugiloj kaj vosto havas ruĝecbrunajn plumojn kun malhelaj bordoj. La okulringo estas blankeca kaj estas ankaŭ malhela traokula strio, la vangoj estas grizaj kun oliveca nuanco, la kolflankoj estas grizaj kaj la gorĝo estas blanka inter la nigraj mustaĉoj. La beko estas griza kaj la kruroj rozkolorecaj.

La ruĝecaj dorso kaj ĉefe krono estas sufiĉaj kialoj por kaj la komuna nomo kaj la latina scienca nomo kiu signifas simile.

Vivejo[redakti | redakti fonton]

Ties natura biotopo estas mal- al mezaltaj partoj de montoj, kun savano, makiso, arbaroj de pinoj kaj kverkoj kun disaj arboj, kaj duarangaj arbaroj, ĉiam kun abundo de arbustoj. Eblas vidi ĝin ankaŭ en kelkaj aliaj geografiaj zonoj, kiaj iamaj ĝangaloj.

Ili manĝas semojn, insektojn kaj aliajn senvertebrulojn. Ili nutras sin surgrunde inter arbustoj, formante malgrandajn familiajn grupojn.

Distribuado[redakti | redakti fonton]

El nordo de Sonoro (Meksiko) laŭlonge de la Okcidenta Patrinmontaro kaj el sudo de Novleono laŭlonge de la Orienta Patrinmontaro ĝis la Sierra Nevada (Meksiko). Ankaŭ en la Suda Patrinmontaro. Ĝi loĝas ankaŭ sude de Verakruco, norde de Oaĥako kaj en altaj kaj malaltaj zonoj de Ĉiapaso. En Centrameriko ties distribuado laŭlongas de la montaj regionoj, al okcidenta Nikaragvo kaj pleja nordorienta Kosta-Riko, kie ĝi loĝas en la deklivaro al Pacifika Oceano ĉe la vulkanoj de Guanacaste. Estas ankaŭ kelkaj populacioj en malaltaj zonoj de Belizo kaj Salvadoro.

Referencoj[redakti | redakti fonton]


Haliaeetus leucocephalus LC0198.jpg Rilataj artikoloj troviĝas en
Portalo pri Birdoj