Ruĝkapa paradoksornito
 | ||||||||||||||
|---|---|---|---|---|---|---|---|---|---|---|---|---|---|---|
 Ruĝkapa paradoksornito
| ||||||||||||||
| Biologia klasado | ||||||||||||||
| ||||||||||||||
| Paradoxornis ruficeps (Blyth, 1842) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Ruĝkapa paradoksornito (Paradoxornis ruficeps) estas specio de birdo de la familio de Timaliedoj lastatempe trapasita al la familio de Silviedoj aŭ de Paradoksornitedoj, en la tipa genro de Paradoxornis aŭ Paradoksornitoj, karakteraj pro bekoj similaj al tiuj de psitakoj.
Ĝi troviĝas en Bangladeŝo, Butano, suda Ĉinio, nordorienta Barato, kaj nordaj Laoso, Birmo kaj Vjetnamio. Ties natura habitato estas subtropikaj aŭ tropikaj humidaj arbaroj de malaltaj teroj aŭ montarbaroj. Ĝi asociiĝas kun arbaroj de bambuo en larĝafoliaj arbaroj kaj ofte estas malfacile videbla birdo en densa subkreskaĵaro.
Ĝi havas brilruĝecan kapon (kio nomigas la specion kaj en Esperanto kaj en la latina scienca nomo kie ruficeps signifas precize “kun ruĝa kapo”) kie rimarkindas blanka okulringo ĉirkaŭ nigra okulo, brunajn suprajn partojn kaj blankecajn subajn partojn.
Referencoj[redakti | redakti fonton]
- BirdLife International 2004. Paradoxornis ruficeps. 2006 IUCN Ruĝa Listo de Minacataj Specioj. Konsultita la 26an de julio 2007.
- Robson, C. (2007). Family Paradoxornithidae (Parrotbills) Pp. 292 - 321 in; del Hoyo, J., Elliott, A. & Christie, D.A. eds. Handbook of the Birds of the World, Vol. 12. Picathartes to Tits and Chickadees. Lynx Edicions, Barcelona.
| ||||||||||||||||||