Ruud Lubbers

El Vikipedio, la libera enciklopedio
Saltu al: navigado, serĉo
Ruud Lubbers
Ruud Lubbers
En funkcio:
4-a de novembro 1982 – 22-a de aŭgusto 1994
Antaŭulo Dries van Agt
Sekvanto Wim Kok

v  d  r
Information icon.svg

Rudolphus Franciscus Marie (Ruud) LUBBERS (* 7-a de majo 1939, Roterdamo) estas nederlanda ekonomikisto, entreprenisto kaj politikisto (Christen-Democratisch Appèl). De 1982 ĝis 1994 li estis ĉefministro de Nederlando. Nuntempe li aktivas por la konservado de la naturo, la forigo de nukleaj armiloj kaj pozitiva alproksimiĝo al eksterlandanoj kaj rifuĝintoj.

Lubbers naskiĝis en familio de entreprenistoj. Li frekventis lernejon de la jezuitoj kaj studis ekonomion en Roterdamo. En 1963 li transprenis la firmaon (pri konstruado kaj maŝinoj) de la patro, komune kun frato.

Li aliĝis al la katolika partio, kiu poste fariĝis parto de la kristandemokrata. En 1973-77 li servis kiel ministro pri ekonomio kaj en 1978 komencis esti ĉefo de la parlamenta frakcio. En 1982 li fariĝis ĉefministro kaj restis tio ĝis 1994, kun diversaj koaliciaj partneroj. Poste li profesoris en la universitato de Tilburg kaj aliloke.

Fine de 2000 Lubbers fariĝis alta komisaro pri rifuĝintoj, ĉe UN. Li helpis al pli bona financado de la organizaĵo, sed en 2005 li decidis abdiki post ripetaj plendoj pri lia konduto al virinoj.

Kiam en 2006 oni en Nederlando bezonis novan registaron, la reĝino nomumis Lubbers taskumiton por enketi inter la parlamentaj frakcioj (informateur).