Sakeo
Sakeo estas vino farata el rizo, produktata en landoj de orienta Azio. La vorto devenas de la japana vorto 酒 [sake], kiu signifas "alkoholaĵo".
Kvankam oni komparas sakeon kun vino, ĝia produktado pli similas tiun de biero, same produktata el greno.
Alkoholaĵo destilita, kun pli da alkoholo, estas ŝoĉuo.
Japana sakeo
En la japana, sakeo estas nomata Sake, O-sake (respekta-forme), aŭ Nihon-shu (lv. "japana sakeo"). Kiam oni mendas sakeon en trinkejo, la kutima kvanto estas 1-gō ("ichi-gō", ĉirkaŭ 0,2 l). Ĝi estas proksimume 17-elcente alkohola. Por ke la sakeo restu ĉiam sam-varmeca/malvarmeca, la glaso aŭ taso estas denove plenigita, tuj post iom estas fortrinkita. La partnero pliplenigas la glason tradicie.
Dum somero oni ofte trinkas ĝin malvarma, dum vintro varma, sed kompreneble laŭ sia gusto. Jen estas tabelo por la japanaj termoj de sakeo laŭ sia varmeco.
| Temperaturo | La japana (Rōmaji) | Traduko | |
|---|---|---|---|
| 55°C+ | Tobikiri-kan | Super-varma | |
| 50°C | Atsu-kan | Tre varma | |
| Kan (varma) | 45°C | Jō-kan | Varma |
| 40°C | Nuru-kan | Varmeta | |
| 35°C | Hitohada-kan | Varmeta kiel homa temperaturo | |
| 30°C | Hinata-kan | Varmeta kiel en la suno | |
| 15°C | Suzu-hie | Komforte malvarmeta | |
| Hiya (malvarma) | 10°C | Hana-hie | Malvarma kiel kiam burĝonoj ekflorus en frua printempo |
| 5°C | Yuki-hie | Malvarma kiel neĝo | |
| (Kvazaŭ-frostigita) | 0°C | Mizore-zake | Sakeo grajla |
Sakeeca trinkaĵo
- Nigori (lv. "malglata sakeo") estas lakteca-blanka sakeo kun malforta alkoholo. Ĝi estis manfarita hejme. Ĝi estas simila al Chóujiǔ en Ĉinio, kaj Makgeolli en Koreio.
- Mirino estas dolĉa kaj porkuirarta sakeo.
- Amazake (lv. "dolĉa sakeo") estas sen- aŭ malfortega-alkohola trinkaĵo el fermentinta rizo.
Alilanda sakeo aŭ rizvino
- Huángjiŭ, laŭvorte "flava sakeo/vino", estas ĉina rizvino. Ĝi havas nigran koloron kaj iam estas trinkata kun kubsukero, citrono aŭ peklita umeo. Shàoxīngjiǔ el Ĝeĝjango estas fama.