Salzburg

Salzburg
	Salzburg
	esperante: Salcburgo
	urbo
	Salzburg
Flago	Blazono
	Oficiala nomo: Salzburg
Ŝtato	Aŭstrio
Federacia lando	Salcburgio
Montaro	Alpoj
Aŭtostradoj	A1, A8
Memorindaĵoj	9
Konstruaĵo	Katedralo de Ruperto
Rivero	Salzach
Situo	Salzburg
- alteco	424 m s. m.
- koordinatoj	47°48′00″N 13°02′00″E / <span class="geo-dec geo" title="Mapoj, elĉielaj bildoj kaj aliaj datumoj por 47.8 Esprima eraro: Neatendita operacisimbolo *">47.8°N, Esprima eraro: Neatendita operacisimbolo <
Plej alta punkto	Mönchsberg
- alteco	540 m s. m.
Areo	65,678 km² (6 567,8 ha)
Loĝantaro	147 571 (13.06.2010)
Denseco	2 246,89 loĝ./km²
Orogenenezo; montariĝo	Mönchsberg
Fondo	696
Horzono	MET (UTC+1)
- somera tempo	MET (UTC+2)
Poŝtkodo	5020
Telefona antaŭkodo	+43 0662
	Loko de Monda heredaĵo de UNESCO
Nomo	Historic Centre of the City of Salzburg
Tipo de heredaĵo	kultura heredaĵo
Jaro	1996 (#20)
Numero	784
Regiono	Eŭropo
Kriterioj	ii, iv, vi
Specialaĵoj	Globoj de Mozart, Salzburgaj nokoj
	Situo enkadre de Aŭstrio
	Kvartaloj de Salcburgo
	Vikimedia Komunejo: Salzburg (Stadt)
	Retpaĝo: www.stadt-salzburg.at

La plej granda baroka fontano en Mez-Eŭropo

Burgo Salcburg super rivero Salzach

Ĝardenoj en kastelo Mirabell

Salzburg (en Esperanto Salcburgo) estas urbo en Aŭstria okcidento. Ĝi havas 150.000 enloĝantojn kaj estas ĉefurbo de la federacia lando Salcburgio. La malnova urbo, de baroka arkitekturo, estas Monda Kulturheredaĵo de UNESKO. Wolfgang Amadeus Mozart naskiĝis en Salzburg.

En Salzburg ĉiujare en julio/aŭgusto okazas la Festivalo de Salcburgo, fama festivalo por opero, klasika muziko kaj teatro.

En la urbo Franz Christanell instruis en gimnazio, kaj Aŭstra Esperanto-Kongreso okazis tie iam en la frua 20-a jarcento.

Salzburg estis unu en la kandidatoj, kun Soĉi, Rusio (la elektita urbo) kaj PyeongChang, Sud-Koreio, por la Vintra Olimpiko 2014.

Senpene oni povus citi plurajn artistojn, kiuj laŭdis Salcburgon pro ĝia situo. Kio ĝenerala estas produkto de la fantazio, tion realiĝis ĉi-tie la naturo: pejzaĝo kaj arkitekturo jen unuiĝis en plena harmonio. La rivereto Salzach (Salcaĥ), fluanta tra la pordo de la alparo, premiĝas ankoraŭfoje - inter rokoj - al la nordo; kruta deklivo ne sekvas ĝin, sed verve kurbiĝas por fine reatingi la rivereton: en tiu mallarĝa valo kuŝas la malnova urbo. Rigardata de supre, la antikvaj epokoj estas kvazaŭ kaptitaj inter la Montetoj de la Monako (Mönchsberg) kaj de la Kapuĉeno (Kapuzinerberg). Sur la maldekstra riverbordo, en la direkto al la Monaka Monteto, la urbo havas la fizionomion de sidejo de eklezia princo: preĝejoj, palacoj, larĝaj placoj, monakejoj kun longaj vicoj da fenestroj, kvietaj kortegoj - sole en la direkto al la rivero amasiĝas la domoj de la burĝaro. Tute alian bildon oni havas sur la dekstra flanko de la rivero: la burĝa urbo ĉirkaŭas la Kapuĉenan Monteton, dume la gigantaj konstruaĵoj de la ekleziaprinca aspekto troviĝas je la periferio. Katedralo kaj Fortikaĵo estas simboloj de eklezia kaj de profanaj aŭtoritatoj, ĉar la princ-episkopoj kiel landestroj devis atenti ankaŭ la defendon de la teritorio. Duobla premado - la suprematio de ekleziaj propaĵoj kaj mallarĝeco diktita de la naturo devigis la burĝanojn, konstrui pli vertikale ol horizontale. En la mallarĝa, laŭvide mezepoka Grenstrateto (Gedreidegasse) staras la naskiĝdomo de Wolfgang Amadeus Mozart. En tiu ĉi urbo lia nomo estas pli populara ol la nomoj de ĝiaj kontruemaj regintoj.