Sankt Andreasberg

El Vikipedio, la libera enciklopedio
Saltu al: navigado, serĉo
Sankt Andreasberg
Blazono
Sankt Andreasberg (Germanio)
DMS
Red pog.svg
Federacia lando Malsupra Saksio
Distrikto Distrikto Goslar
Urborajtoj ĝis novembro 2011 urbo, ekde tiam urboparto
Koordinatoj 51°42′38″N 10°31′06″O  /  51.71056°N, 10.51833°O / 51.71056; 10.51833 (Sankt Andreasberg)
Alto super la marnivelo 580 m
Areo 9.85 km²
Telefona antaŭkodo 05582, 05520
Poŝtkodo 37444
Aŭtomobila kodo GS
Oficiala kodo 03153010
NUTS DE916
Subdivido 5 komunumopartoj (Ortsteile)
Komunuma retejo www.sankt-
andreasberg.de
v  d  r
Information icon.svg

Sankt Andreasberg estas eksa tradicia urbeto en Germanio, en la distrikto Goslar ĉe la sudorienta rando de la federacia lando Malsupra Saksio. La komunumo estas la plej alte situanta urba loĝloko de la montaro Harco (600 - 900 m). Ĝi estas oficiale agnoskita klimata kuracloko kun multaj ofertoj por kuracado kaj ripozado. En vintro la urbeto estas ŝatata centro de vintrosporto. Ekde la 1-a de novembro 2011 ĝi administre estas parto de pligrandigita urbo Braunlage.

St. Andreasberg fondiĝis pro la malkovro de riĉaj arĝent-ercaj kuŝejoj. Dum 400 jaroj ĝia ekonomio estis bazita sur minado, en kies centro staris la populara monera metalo arĝento. La minada historio trovis sian finon en 1910 per fermo de la minejo Samson.

La urbo sukcesis grandskale konservi sian historian aspekton. Ĝi posedas multajn min-teknikajn monumentojn kaj historiajn atestilojn. En 1987 ĝi celebris sian 500-jaran jubileon.

Turismo[redakti | redakti fonton]

En Sankt Andreasberg troviĝas Internationales Haus Sonnenberg (Domo Sunmonto). En ĝi okazis jam plurfoje la Esperanto-renkontiĝo Printempa Semajno Internacia, kaj Germana Esperanto-Asocio formulis tie siaj gvidliniojn pri eŭropa lingvopolitiko. En sporta historio Sankt Andreasberg konatas pro tio, ke en la vintrosporta urbeto en 1888 inventiĝis la sporta disciplino bobado, kaj nun estas tie unu el la tutmonde malmultaj internaciaj bobaj vojoj.