Sarmataj miksaj arbaroj

Situo de la ekoregiono.

Foliarboj kaj pingloarboj nete diferencas je tiu printempa bildo el suda Estonujo.

Koniferoj estas superregantaj en tiu ĉi sarmata miksa arbaro en ekstrem-suda Suomujo.

Vintro en arbaro de eŭropa fago en Larvik, Norvegujo. Krom koniferoj, tigfrukta kverko, ordinara frakseno, malglata ulmo, nigra alno kaj penda betulo estas pli komunaj en la sarmata miksa arbaro de Norvegujo.

Marĉo en sarmata miksa arbaro apud Stokholmo.

Rivero Tarvasjõgi en Arbarrezervejo Kõrvemaa, Estonujo.

La sarmataj miksaj arbaroj estas tersupraĵa ekoregiono el la eŭropa-siberia ekoprovinco de la palearkta ekozono laŭ la terminologio de la Monda Natur-Fonduso (WWF). Ĝi kongruas kun samnoma ekoregiono difinita de la Eŭropa Vivmedia Agentejo. Biome la ekoregiono apartenas al mezvarmaj foliaj kaj miksaj arbaroj.

Priskribo

La ekoregiono situas en Eŭropo inter la tajgo en la nordo kaj la foliarbara zono en la sudo. Ĝi kovras proksimume 846 100 km² en ekstrem-suda Norvegujo, suda Svedujo, ekstrem-sudokcidenta Suomujo, Estonujo, Latvujo, norda Litovujo, norda Belorusujo kaj la centra parto de Eŭropa Rusujo. Ĝi limtuŝas la Baltan Maron kaj jenajn ekoregionojn : la skandinavan kaj rusan tajgojn (norde), la uralajn montarajn tundrojn kaj tajgojn (oriente), la orient-eŭropajn arbarajn stepojn (sudoriento), la mezeŭropajn miksajn arbarojn (sudokcidento) kaj la baltajn miksajn arbarojn (okcidente). La ekoregiono konsistas el miksaj arbaroj superregataj de tigfrukta kverko (kiu nur okaze troviĝas pli norde), ordinara piceo (kiu malaperas pli fore suden kaŭze de nesufiĉa humido) kaj arbara pino (en pli sekaj ejoj). Fitogeografie, la mezeŭropa kaj la orient-eŭropa flaŭraj provincoj el la cirkaŭboreala regiono de la holarkta regno, partigas la ekoregionon.

Vidu ankaŭ

Rilataj artikoloj troviĝas en Portalo pri Biologio

• Ekologia klasifiko de la tersupraĵoj
• Konservada stato de ekoregiono

Eksteraj ligiloj

Rilataj artikoloj troviĝas en Portalo pri Eŭropo

• angle Ekoregiono PA0436 : Sarmataj miksaj arbaroj (WWF)
• angle Sarmataj miksaj arbaroj (WWF-Wildworld)
• angle Sarmataj miksaj arbaroj (Wildworld) - Nacia Geografia Societo
• angle Sarmataj miksaj arbaroj (The Encyclopedia of Earth)
• angle Sarmataj miksaj arbaroj (Globalspecies)
• angle Situo : tajpu Sarmatic mixed forests
• angle Diĝitala Mapo de Eŭropaj Ekologiaj Regionoj
• angle Pri ekoregionoj (WWF)

Rilataj artikoloj troviĝas en Portalo pri Geografio