Schellenberg

Ĉi tiu artikolo temas pri komunumo en Liĥtenŝtejno. Se vi serĉas informojn pri komunumo en Rumanio, vidu la paĝon Șelimbăr.

Schellenberg
Administrado
Statuso	Komunumo
Lando	Liĥtenŝtejno
Ŝtato	Liĥtenŝtejno
Regiono	Unterland
Loka registaro	Postfach 46, Dorf 49, 9488 Schellenberg
Urbestro	Norman Wohlwend (FBP)
Poŝtkodo	9488
Telefona antaŭkodo	423 373
Kodo laŭ BFS	7011
Demografio
Loĝantaro	1029 (2007-12-31)
Loĝdenso	294 loĝ./km2
Geografio
Koordinatoj	47°14′1″N 9°32′53″O
Alto	626 m
Areo	3,5 km²
Horzono	+1

Schellenberg (germana prononco ŜELlenberk) estas la aree plej malgranda komunumo de Liĥtenŝtejno.

Geografio

Schellenberg, dekstre la Biedermann-Domo

La komunumo troviĝas tute en la nordo de la lando. Ĝi situas relative alte kun meza alteco de 626 m s.m.. De Schellenberg oni havas bonan belvidon super la tuta Rejnvalo. La vilaĝo havis 1029 loĝantojn je la 31-a de decembro 2007. La areo de la komunumo etendiĝas sur 3,5 km².

Trafiko

Schellenberg situas flanke de la gravaj trafikvojoj. La komunumo estas konektita kun la publika trafikreto per buslinio al Gamprin-Bendern.

Historio

En Schellenberg ekzistas homaj setlejoj jam ekde la 3-a jarmilo a.K.. En la supra Isarvalo troviĝis la familia sidejo de la Senjoroj de Schellenberg. Sur la monto Eschnerberg, kiu hodiaŭ portas la nomon de ilia familio, ili konstruis la kastelon Alt-Schellenberg.

Princo Johann Adam Andreas von Liechtenstein (n. 1657; m. 1712) akiris en la jaro 1699 la imperiliberan Senjorujon Schellenberg.

Vidindaĵoj

• Monaĥinejo
• Biedermann-Domo
• Du kastelaj ruinoj
• Monumento pri rusoj
• Erar-ŝtono
• Paroĥa kirko
• Kapelo de Sankta Georgo

Eksteraj ligiloj

• Oficiala retejo de la komunumo Schellenberg