Selzach

Por samtitola artikolo vidu la paĝon Selzach (stacidomo).

Selzach
Blazono de Selzach
Selzach vidita el la veturanta trajno
komunumo en Svislando
Kantono	Soloturno
Distrikto	Lebern
Geografia situo	CH1903: 601283 / 228291 (mapo)47.2055555555567.4555555555555
Nombro de loĝantoj	3106
Areo	19,51 km²
Alteco	445 m super marnivelo
Poŝtkodo	2545
Komunumkodo	2556
Mapo de Selzach

Selzach (prononcu selcaĥ) estas komunumo en la distrikto Lebern en Kantono Soloturno, Svislando. Ĝi havis 3 106 loĝantojn je la 31-a de decembro 2010.

Geografio

Selzach situas en la Svisa Mezlando la ebenaĵo de la rivero Aro ĉe la suda flanko de la Ĵurasa Montaro meze inter la urboj Soloturno kaj Grenchen. La rivero Aro formas la sudan limon de la komunumo. La plej alta punkto de la komunumo, kiu ankaŭ estas la plej alta punkto de la kantono, situas sur alteco de 1445 m s.m. sur la monto Hasenmatt sur la kresto de Ĵuraso. La komunumo konsistas el la vilaĝoj Selzach, Altreu ĉe la bordo de Aro, Haag ĉe la bordo de la rojo de Haag en okcidento de la komunumo, Moos en nordokcidento, Bäriswil norde de Selzach, kaj pluraj izolitaj bienoj. La teritorio de la komunumo etendiĝas sur areo de 19,51 km², de kiuj 39% estas kovritaj de arbaro, 50% servas por agrikulturo kaj 9% por setlado, la ceteraj 2% estas parte akvejoj (rivero Aro) kaj parte dezertaj (rokoj).

Najbaraj komunumoj

La komunumo Selzach limas en nordo al Gänsbrunnen, en nordnordoriento al Oberdorf, en nordoriento al Lommiswil, en oriento al Bellach, en orientsudoriento al Lüsslingen-Nennigkofen, en sudoriento al Nennigkofen, en sudo al Leuzigen (BE), en okcidento al Bettlach, en nordokcidento al Grenchen, kaj en nordnordokcidento al Court (BE).

Trafiko

Tra la komunumo pasas la kantona ĉefvojo n-ro 5 de Soloturno al Bielo kaj paralele al ĝi la linio de Svisaj Federaciaj Fervojoj, per kies stacidomo sur la komunuma teritorio Selzach estas bone konektita al la publika transportreto. Por la loka distribuo zorgas la lokaj busoj de la urbo Grenchen. La plej proksima alveturejo al la svisa aŭtovojo A5 situas 3 kilometrojn okcidente apud Grenchen.

Historio

La unua dokumenta mencio de Selzach datiĝas el la jaro 1181 kiel Selsacho. Estis trovitaj diversaj romiaj objektoj, el inter kiuj monertrezoro apud la loko Winkel. Ek de la jaro 1280 Selzach apartenis al la Grafejo de Strassberg, al kies Senjorujo Altreu ĝi estis atribuita en la 14-a jarcento. En la jaro 1390 ĝi fariĝis havaĵo de la urbo Soloturno kaj estis atribuita al ties Voktejo Lebern, en kiu ĝi estis ĝis la Helveta Revolucio de 1798 aparta tribunaldistrikto.

Vidu ankaŭ

• Selzach (stacidomo)

Eksteraj ligiloj

• Oficiala retejo de la komunumo Selzach
• Selzach en la Historia Leksikono de Svislando  (germane, france, itale)

•  Vidu ankaŭ en la Vikimedia Komunejo la kategorion Selzach – (Kolekto de bildoj kaj plurmediaj dosieroj)

Bildoj

• 
  La centro de Selzach
• 
  Altreu
• 
  Stacidomo de Selzach