Sileziaostrava urbodomo
Urbodomo de Silezia Ostrava estas ekde la jaro 1990 urbodomo de ostrava urboparto Silezia Ostrava kaj unu el malmultaj konservitaj konstruaĵoj de Silezia Ostrava- Zámostí.
La origina urbodomo
Origine ĝi servis kiel municipa konstruaĵo en la jaro 1897 novbaroke alikonstruita domo n-ro 131. Tiu ĉi tiel nomata Malnova sileziaostrava urbodomo estis detruita en la 80-aj jaroj de la 20-a jarcento.[1]
Konstruaĵo de la urbodomo
La nova konstruaĵo de la urbodomo estis konstruita dukm tiama urbestro inĝ. Jan Poppe (1849–1931) laŭ propono de arkitekto Viktorin Šulc (1870–1946) en la jaroj 1911–1913. En la projekta parto kunlaboris inĝ. Jaroslav Volenec (1877–?), lia asistanto František Doležel kaj konstruisto Julius Vysloužil. La urbodomo situas sur stratangulo de stratoj Těšínská (antaŭe avenuo de imperiestro Francisko Jozefo kaj en periodo de protektorato Adolf Hitler Strasse) kaj strato Keltičkova (antaŭe Jaklovecká). Ĝi estas konstruita en malfrue historiganta stilo kombinanta formojn de ĉeĥa novrenesanco kun aliaj historigantaj elementoj kaj precipe en la interno plenigita kun secesa morfologio. En la interno la plej interesa estas la ĉefa ŝtuparejo kun konservitaj lumiloj, aplikoj kaj supraportoj super pordo al flanka ŝtuparejo kaj stuka ornamaĵo de la ĉefa ĉambrego, kiu samtempe servas kiel ceremonia ĉambro kun orgeno instalita en la 90-aj jaroj de la 20-a jarcento.
Literaturo
- STRAKOŠ, Martin. Radnice Slezské Ostravy jako vychýlený svorník mezi tradicí a moderností. Slezská Ostrava : SPOK – spolek pro ostravskou kulturu, 2008. ISBN 978-80-904096-0-6.
- ŠOPÁK, Pavel. Radnice ve Slezské Ostravě. Vlastivědné listy 21, 1995, čís. 1.
- ŠULC, Viktorin. Soutěžný návrh radnice v Polské Ostravě. Architektonický obzor IX, 1910, čís. 8.
