Silvestro la 1-a

El Vikipedio, la libera enciklopedio
Saltu al: navigado, serĉo
Papo
Silvestro la 1-a
Sylvester I and Constantine.jpg
Naskonomo  ?
Komenco de pontifiko 31-a de januaro? 314
Fino de pontifiko 31-a de decembro 335
Antaŭulo sankta Miltiado
Sekvanto sankta Marko
Dato de naskiĝo 292?
Loko de naskiĝo Romo, Italio
Dato de morto 31-a de decembro 335
Loko de morto Romo, Italio
v  d  r
Information icon.svg

Sankta Silvestro (?-335) (latine, SylvesterSilvester) estis sanktulo kaj papo. Li estis Papo Silvestro I dum 314-335, sekvinte Sankta Miltiado sur la papa trono; lin mem sekvis Sankta Marko (Marcus). Li papiĝis en la jaro post la jura agnoskiĝo de Kristanismo far la imperiestroj Konstantino I kaj Licinio (j. 313).

Konstantino konstruigis por li plurajn konstruaĵojn, inter kiuj verŝajne la unua baziliko de Sankta Johano Laterano, kiu estis dum jarcentoj la ĉefa papa preĝejo. Silvestro sendis delegitojn al la Unua koncilio de Niceo en 325, la elstara eklezia okazaĵo de la epoko, kaj aktive partoprenis la polemikadon pri Arianismo. Laŭ la Donaco de Konstanteno la imperiestro donacis al Silvestro kiel papo politikan regrajton en Italio, sed la Donaco estis la fraŭda inventaĵo de mezepokaj papoj por rajtigi siajn militojn por Italio.

Kiel estas kutime ĉe ĉiuj sanktuloj, oni festas ilian morto-tagon kiel "naskiĝotagon en la ĉielo": tial do en la eklezia kalendaro oni festas Silvestron je la 31-a de decembro, - en multaj landoj oni nomas tiun tagon, kaj la novjarajn festojn, "Silvestro".

Vidu ankaŭ[redakti | redakti fonton]