Skopelos
Skopelos (greke: Σκόπελος, „Rokoklifo“) estas greka insulo en la Egea Maro kiu apartenas al la nordaj Sporadoj. La ĉirkaŭ 85 km² granda kaj ĝis 680 m alta insulo situas nordoriente de Eŭvia (greke: Εύβοια). Skopelos havis en la jaro 2002 ĉ. 4 700 loĝantojn.
La insulo estas tre arbarigita, tipaj agrikulturaj produktoj estas vino kaj prunoj.
Komunumoj
- Skopelos ĉi tie vivas la plejmulto de la loĝantaro.
- Agnonda
- Glossa kaj Loutraki (dua plej granda haveno de la insulo)
- Klima
Historio
Skopelos estas la antikva Peparethos, kiu en 342 antaŭ Kristo estis detruita fare de Filipo de Makedonio.
Hodiaŭ Skopelos i.a. estas la loĝloko de la germana kantisto Ivan Rebroff.
Loĝantoj
| Jaro | Loĝantoj |
|---|---|
| 1981 | 2 728 (Komunumo) |
| 1991 | 2 603 (Komunumo), 4 658 (Insulo) |
| 2002 | 4 700 (Insulo) |