Snowdon

El Vikipedio, la libera enciklopedio
Saltu al: navigado, serĉo
Snowdon, de ĉe la lago Llydaw

Snowdon (pron. /ˈsnəʊdən/) estas la plej alta monto en Kimrio. Ĝi estas je 1.085 metroj alta. La nomo en la kimra lingvo estas Yr Wyddfa (pron. /ər ˈuɨðva/).

Ĝi havas fervojon kiu supreniras la monton, sed la trajnoj funkcias nur dum la monatoj kiam ne estas glacio sur la rejloj (aŭ nur ĝis la nivelo, kie estas glacio). Apud la pinto, flanke de la supra haltejo de la fervojo, estas kafeja konstraĵo -- treege malofta afero en britaj montoj. Aktuale la kafejo estas fermita por rekonstruado.

Ĝi allogas multajn vizitantojn, parte simple ĉar ĝi estas la plej alta en Kimrio (kvankam pluraj aliaj en la regiono estas nur iomete malpli altaj), parte pro la fervojo, kaj parte ĉar estas multaj diversaj vojoj por supreniri ĝin piede (kiuj varias de unu sufiĉe facila ĝis unu malfacila kaj iom danĝera - kvankam dum vintro neniu vojo estas facila).