Somera Esperanto-Studado
|
||||
|---|---|---|---|---|
| Simbolo |
 |
|||
| Nomo | Somera Esperanto-Studado | |||
| Regiono | Slovakio | |||
| Periodo | Somere | |||
| Organizanto | E@I | |||
| Ekzistas ekde | 2007 | |||
| Celgrupo | Lernantoj de Esperanto | |||
| Informa retpaĝo | Paĝo pri SES | |||
| Fota retpaĝo | Fotogalerio SES 2012 | |||
Somera Esperanto-Studado (SES) estas somera esperanto-renkontiĝo organizata de E@I ekde la jaro 2007. Dum la unua jaro la aranĝo nomiĝis Slava Esperanto-Studado. Ĝis nun ĉiuj SES-oj okazis en Slovakio.
Enhavo |
Ĝisnunaj kaj planitaj SES-oj [redakti]
| SES | Jaro | Urbo | Partoprenintoj |
|---|---|---|---|
| 7-a SES | 2013 | Martin | (okazonta) |
| 6-a SES | 2012 | Nitra | 250 |
| 5-a SES | 2011 | Nitra | 191 |
| 4-a SES | 2010 | Piešťany | 190 |
| 3-a SES | 2009 | Modra-Harmónia | 90 |
| 2-a SES | 2008 | Modra-Harmónia | 105 |
| 1-a SES | 2007 | Pribylina | 50 |
SES 2008 [redakti]
Unue sub la nomo "Somera Esperanto-Studado" SES okazis inter la 9-a kaj la 17-a de aŭgusto 2008 en Modra-Harmónia (Slovakio). SES 2008 estis ankaŭ la unua realmonda lernu!-renkontiĝo.
Partoprenis 105 partoprenantoj de 25 landoj.
Instruis jenaj instruistoj:
- Stano Marček - (per rekta metodo) nivelo A1
- Dalia Pileckienė - A1+
- Petra Smideliusz - A2
- Birke Dockhorn - B1
- Erin Piateski - B1
- Bertilo Wennergren - C1
SES 2009 [redakti]
En 2009 SES okazis de la 10-a ĝis la 18-a de julio en Modra, Slovakio. Estis 90 partoprenantoj el 25 landoj.[1]
SES 2010 [redakti]
En 2010 SES okazis inter la 2-a kaj la 10-a de julio en la urbo Piešťany en Slovakio, 80 km de la slovaka ĉefurbo Bratislava, kun neantaŭvidite alta nombro de pli ol 200 aliĝintoj kaj ĉirkaŭ 190 partoprenintoj.
SES 2011 [redakti]
En 2011 SES okazis inter la 30-a de julio kaj la 7-a de aŭgusto en la urbo Nitra en Slovakio, 90 km de la slovaka ĉefurbo Bratislava. Ĝin partoprenis 191 homoj el 28 landoj.
Esperanto-muzikistoj kiel La Perdita Generacio, Asorti, Julian Hernandéz kaj Johannes Müller prezentiĝis dum la aranĝo. Ene de la nacia vespero la folklora ensemblo de familio Hlbocky prezentis tradiciajn slovakajn kantojn kaj poste sekvis gustumado de slovakaj vinoj.
Instruis jenaj instruistoj:
- Stano Marček - (per rekta metodo) nivelo A1
- Nina Pietuchowska - A2
- Dalia Pileckienė - B1
- Petra Smideliusz - B2
- Márta Kovács - C1-C2
- Radojica Petrović, Julián Hernández kaj Xosé Conde - Flugiloj de Malfacila Vento
SES 2012 [redakti]
En 2012 SES okazis inter la 21-a kaj la 29-a de julio, denove en la urbo Nitra en Slovakio, 90 km de la slovaka ĉefurbo Bratislava. Komence de majo 2012 la kvanto de aliĝintoj jam superis 200. Fine la interretaj aliĝintoj estis 292 kaj la aranĝon efektive partoprenis 250 homoj el 23 landoj.
Esperanto-muzikistoj kiel JoMo kaj Martin Wiese prezentiĝis dum la aranĝo. Ene de la nacia vespero la folklora ensemblo Verešvaran prezentis tradiciajn slovakajn kantojn kaj poste sekvis gustumado de slovakaj vinoj el Topoľčianky.
Instruis jenaj instruistoj:
- Stano Marček kaj Mateusz Kulka – nivelo A1 (per rekta metodo)
- Christophe Chazarein – nivelo A1
- Birke Dockhorn – nivelo A2
- Nina Pietuchowska – nivelo A2
- Dalia Pileckienė – nivelo B1
- Petra Smideliusz – nivelo B2
- Tim Morley – nivelo B2
- Przemysław Wierzbowski – nivelo B2
- Márta Kovács – niveloj C1-C2
- Bertil Wennergren – niveloj C1-C2
- Xosé Conde kaj Konstantin Tiĥomirov – Flugiloj de Malfacila Vento (seminario kunlabore kun ILEI)
Fine de la aranĝo okazis ankaŭ parolaj kaj skribaj ekzamenoj laŭ la Komuna eŭropa referenckadro (KER) – ekzamenis Petra Smideliusz kaj Márta Kovács.
SES 2013 [redakti]
Venonta Somera Esperanto-Studado okazos de la 12-a ĝis la 20-a de julio 2013 en Martin (Slovakio).[2] La 28-an de decembro 2012, okaze de la 4-a JES, estis lanĉita nova retpaĝaro de SES, sendependa de la rekonstruata retejo lernu!.
Viglan diskuton spronis la 19-an de januaro 2013 artikolo pri SES en Libera Folio, kiu atentigis pri la „kruel-imposto“ nove enkonstruita en la kotiztabelon, laŭ kiu ĉiu viandmanĝanto dum SES devos krompagi unu eŭron tage kompare al la vegetaranoj kaj la veganoj. Peter Baláž, ĉeforganizanto de SES, publike defendis la decidon, kiun li iniciatis kaj anticipe por ĝi serĉis aprobon inter kelkaj pliaj kernaj organizantoj de la aranĝo.[3] Post kelkaj tagoj, la organizantoj decidis ŝanĝi la nomon al „verda rabato“.[4]
SES 2014 [redakti]
E@I intencas okazigi Someran Esperanto-Studadon ankaŭ en la jaro 2014, de la 12-a ĝis la 20-a de julio en Slovakio. Aldone okazas klopodoj por unuafoje organizi en tiu jaro similajn aranĝojn ankaŭ en Brazilo (antaŭ la 70-a IJK) kaj en Rusio (fine de aŭgusto).
Fontindikoj [redakti]
- ↑ Artikolo pri SES 2009 en La Ondo de Esperanto
- ↑ Somera Esperanto-Studado (SES) 2013
- ↑ Kruelaj viandomanĝantoj pagos pli
- ↑ Verda rabato anstataŭ kruel-imposto dum SES
Eksteraj ligiloj [redakti]
|
||||||||||||
