Soroksár

Soroksár [ŝorokŝAr] estas la 23-a distrikto de Budapeŝto.

Blazono de Soroksár

Situo de Soroksár

Enhavo

Preĝejo de Soroksár

Monumento pri falintoj dum la 1-a mondmilito en Soroksár

Soroksár situas en suda parto de Budapeŝto laŭ Danubo-branĉo.

La unua mencio pri la vilaĝo okazis el la 14-a jarcento. Dum dominado de turkoj la vilaĝo senhomiĝis, poste germanoj refondis ĝin en 1724. Dum regado de Maria Teresia la vilaĝo iĝis kampurbo kun rajto de bazarado. Fine de la 19-a jarcento la rango ŝanĝiĝis al grandvilaĝo. En 1891 vivis tie 12 143 loĝantoj (4410 hungaroj, 7120 germanoj, 160 slovakoj) en 1366 domoj. Post la 2-a mondmilito oni deportis 3898 germanojn al Germanio. Soroksár kune kun Pesterzsébet aliĝis al Budapeŝto en 1950 formantaj la 20-an distrikton. En 1956 en la proksimeco tertremo okazis. En 1994 Soroksár iĝis sen Pesterzsébet distrikto de la ĉefurbo.