Sovetrespublikara Esperantista Unio

El Vikipedio

Malneto [rigardi paĝon] (kompari)	(+/-)
La lasta reviziita versio (montri ĉiujn) estis aprobita je 20. Nov 2008. ŝablonaj/bildaj ŝanĝoj atendas kontrolon.

Saltu al: navigado, serĉo

Sovetlanda Esperantista Unuiĝo (SEU, ruse Sojuz Esperantistov Sovetskiĥ Stran) kaj post 1927 Sovetrespublikara Esperantista Unio (ruse Sojuz Esperantistov Sovetskiĥ Respublik) estis organizaĵo fondita en junio 1921 dum la Tria Tutruslanda Esperantista Kongreso, kiu celis unuigi la sovetajn esperantistojn.

Ernest Drezen estis ĝia prezidanto de ĝia fondo ĝis sia morto (ĉirkaŭ 1937). Ĝi havis malfacilajn rilatojn kun SAT. Ĝi malaperis silente dum la Granda Purigo - oni mortigis aŭ enkarcerigis ĝiajn gvidantojn.

La 24-an de januaro 1989, en la kulturdomo ĉe strato Volĥonka n. 13 en Moskvo (kie tiutempe funkciis vigla Esperanto-klubo Lev Tolstoj), la tutlanda konferenco de esperantistoj decidis pri refunkciigo de la memstara Sovetrespublikara Esperantista Unio (SEU), surbaze de ASE. La novan Asocion ekgvidis iamaj gvidantoj de SEJM. Post duonjaro SEU aliĝis al UEA. Lige kun la disfalo de Sovet-Unio, la 10-a Kongreso de SEU la 28-an de decembro 1991 decidis transformi SEU al Rusia Esperantista Unio (REU), kiu direktas la movadon en la novaj, tre malfacilaj ekonomiaj, sociaj kaj politikaj kondiĉoj.