Speciprotektado

Preskaŭ triono de ĉiuj specioj de Amfibioj estas minacataj de formorto

Speciprotektado signifas la protektadon kaj la prizorgadon fare de homoj de iuj specioj, pro suferata minaco, kiel protektindaj taksataj naturvivantaj besto- kaj plantospecioj en ilia natura kaj historie kreskanta multeco (biodiverseco).

Ekde 1966 estiĝis ruĝaj listoj de minacataj specioj, per kiuj oni provas taksi la gradon de endanĝeriĝo de la specioj. Speciprotektaj programoj celas la protekton de kutime specifa endanĝerita aŭ de formorto minacata specio.

Speciprotektado estas do parto de naturprotektado, kiu zorgas unuflanke pri la protektado de unuopaj specioj, sed ankaŭ pri la protektado de tutaj vivejoj, kiel biotopoj kaj ekotopoj. Tiel speciprotektado estas kutime ankaŭ ekotopprotektado, ĉar la protektota specio estas nemalhavenda parto de la ekotopo. Aliflanke tio validas, ĉar al la detruo de la vivejo ja sekvos la malapero de la specio.

Motivoj

En pasintaj epokoj, la grandan rolon por speciprotektado ludis estetikaj kaj moralaj aspektoj. Tio limigis speciprotektadon al allogaj besto- kaj plantospecioj. Nuntempe speciprotektado celu ĉefe la konservon de la biologiaj funkcioj de la medio, kiel ekzemple:

• biologiaj filtrofunkcioj, malvenenigo
• nutraĵproduktado
• ekosistema stabileco
• biologia lukto kontraŭ damaĝbestoj
• polenado (ankaŭ por agrikulturaj plantoj)
• bioindikiloj
• kreado de humo
• malaltiĝo de karbona dioksido

Krome la konservo de la biodiverseco estas ekde la 1990-aj jaroj grandiĝanta argumento por la speciprotektado. Ankaŭ ripozo kaj hejmlandprotekto estas motivo por speciprotektado.

Bibliografio

• Rachel Carson, „Der stumme Frühling (La muta printempo)“ (1962)

Vidu ankaŭ

• Biodiverseco
• Naturprotekto
• Ekosistemo

Eksteraj ligiloj

• Datenbanko de la monda naturprotekta uniiĝoIUCN pri la ruĝa listo de minacataj bestospecioj (angle)
• wisia Datenbanko de la germana oficejo por naturprotekto rilate al internacia speciprotektado (germane, angle)
• Artenschutz-Online, germana oficejo por naturprotektado kaj dogano (germane)
• Aktionsgemeinschaft Artenschutz e.V. (germane)
• Stiftung Artenschutz – komuna projekto de 45 zoologiaj ĝardenoj, bestoparkoj kaj naturprotektaj organizaĵoj (germane, angle)