Stéphane Mallarmé

El Vikipedio, la libera enciklopedio
Saltu al: navigado, serĉo
Portreto de Stéphane Mallarmé fare de Édouard Manet

Stéphane Mallarmé (naskiĝis la 18-an de marto 1842 en Parizo - mortis la 9-an de septembro 1898 en Vulaines-sur-Seine) estis franca poeto.

Li verkis precipe aŭdacajn poemojn, ofte propravole obskurajn, kaj havis grandegan influon super la poezio de la 20-a jarcento. Li esits kunfondinto kaj gravulo de la movado de Simbolismo.

Vivo[redakti | redakti fonton]

Inter 1863 kaj 1893 li instruis la anglan lingvon ĉe la gimnazio Lycée Fontanes en Parizo. Krome li famiĝis en 1888 kiel tradukanto de la poemoj de Edgar Allan Poe. Inter liaj plej konataj poemoj nombriĝas Après-midi d’un faune (1876), kiun muzikigis Claude Debussy kaj Hérodiade (1869). Tipe por liaj versada arto estis la mallongigitaj komparoj, la detruo de la sintakso de la franca lingvo kaj la uzo de nekutimaj, en la leksikono trovitaj vortoj. Li elprenis en la lirikaĵoj la aferojn el siaj realaj kuntekstoj kaj metis ilin asocie en novajn konektojn: tiel revelaciiĝu ilia absoluta sekreto.

Aliaj verkoj de li estis la prozo-poemoj Vers et Prose (1893) kaj Divagations (1897). Li ankaŭ revivigis la formon de la rondelo.

Rondoj de geniuloj[redakti | redakti fonton]

Ĉe la famaj akceptoj ĉiun mardon vespere organizitaj de kaj ĉe Mallarmé renkontiĝis la parizaj intelektuloj kaj artistoj por diskuti pri literaturo, arto ka muziko. Intiman amikecon li havis kun Paul Verlaine, Émile Verhaeren, Paul Valéry, André Gide kaj Stefan George; li bone konis Édouard Manet, Joris-Karl Huysmans kaj Villiers de l’Isle-Adam. Krom lirikaĵoj Mallarmé verkis ankaŭ poetikajn artikolojn kaj eseojn.

Per la kantociklo por kanta voĉo kaj orkestro Pli selon pli – Portrait de Mallarmé (1957-1962) Pierre Boulez kreis muzikan monumenton por li.

Aperis en Esperanto[redakti | redakti fonton]