Stalinurbo
Stalinurbo estis la nomo de multaj urboj en la t.n. socialisma ŝtataro de Orienta Eŭropo. La nomo estis donata pro altestimo al Stalin en la 1950-aj jaroj, dum la dura stalinismo, kaj la urboj estis transnomitaj (ĉefe) en la 1960-aj jaroj pro la mal-stalinigo.
Stalinurboj laŭ landoj[redakti | redakti fonton]
Albanio: Qyteti Stalin[redakti | redakti fonton]
1950 ĝis 1990, nun Kuçovë
Bulgario: Stalin[redakti | redakti fonton]
Stalin (urbo) en Bulgario, 1949 ĝis 1956, nun Varna
Ĉeĥoslovakio/Ĉeĥio: Stalingrad[redakti | redakti fonton]
Stalingrad estis de ____ ĝis 1961 nomo de satelita urbo de Ostrava, nun kvartalo "Nové Město" de Karviná.
GDR/Germanio: Stalinstadt[redakti | redakti fonton]
Stalinstadt ekestis kiel urbo por la laboristoj de Eisenhüttenkombinat Ost (Fandofabriko Oriento). Ĝi fondiĝis somere de 1950 same kun la ekipado de fandouzino. La 1-an de februaro 1953, ĝi iĝis memstara urbo kaj prenis la nomon de Stalin la 7-an de majo 1953: Stalinstadt (Stalinurbo).
Post disvolviĝo de malstalinigo, la urbo transnomiĝis Eisenhüttenstadt la 13-an de novembro 1961 per kunfandiĝo de la komunumoj Stalinurbo, Fürstenberg/Oder kaj Schönfließ.
Hungario: Sztálinváros[redakti | redakti fonton]
Sztálinváros en Hungario estis nomita tiel en 1951. Pli frue estis tie nur vilaĝo Dunapentele. Sur la kampoj oni konstruis industrian urbon, kie oni fandadis la feron. Ekde la 25-a de novembro 1961 la urbonomo estas Dunaújváros (= Danuba Nov-Urbo).
Pollando: Stalinogród[redakti | redakti fonton]
Stalinogród estis de 1953 ĝis 1956 la nomo de la urbo Katowice.
Rumanio: Oraşul Stalin[redakti | redakti fonton]
Oraşul Stalin estis en la jaroj 1951 ĝis 1961 la nomo de la urbo Braşov (Kronstadt).
Sovetunio/Kartvelio: Staliniri[redakti | redakti fonton]
Staliniri estis la nomo de la urbo Cĥinvalo en la jaroj 1934-1961.
Sovetunio/Rusio[redakti | redakti fonton]
Stalingrad[redakti | redakti fonton]
Stalingrad estis de 1925 ĝis 1961 la nomo de la pli frua urbo Caricin, hodiaŭ Volgogrado (ekde 1961).
Stalinogorsk[redakti | redakti fonton]
Stalinogorsk tiel nomata de 1953 ĝis 1961, fondiĝis 1930 kiel Bobriki, nomiĝas ekde 1961 Novomoskovsk.
Stalinsk[redakti | redakti fonton]
Stalinsk nomiĝis ĝis 1961 la urbo Novokuzneck.
Sovetunio/Ukrainio: Stalino[redakti | redakti fonton]
Stalino de 1924 ĝis 1961 estis la nomo de la urbo Juzovka, hodiaŭ Doneck (ekde 1961).
Sovetunio/Taĝikio: Stalinabad[redakti | redakti fonton]
Stalinabad estis de 1929 ĝis 1961 la nomo de la urbo Duŝanbo.
Aliaj nomobjektoj[redakti | redakti fonton]
- Stalingrad, Pariza metrostacio, tiel nomata de 1946. La nomo devenas de samnoma placo, kiu estis nomita laŭ la batalo ĉe Stalingrado.