Star Alliance
| Star Alliance | |
|---|---|
 | |
| Fondojaro: | 1997 |
| Membraj kompanioj: | vidu maldekstre |
| Aviadiloj sume: | pli ol 4 100 |
| Sidejo: | Frankfurto-ĉe-Majno (Germanio) |
| Retejo: | www.staralliance.com |
La Star Alliance (angle, en esperantlingva traduko "stela alianco") estas aviada alianco de nuntempe 28 flugkompanioj (stato 30-a de junio 2010), fondita en 1997. Kadre de la alianco Star Alliance ĉiutage okazas proksimume 21 200 pasaĝeraj flugoj. Ĉiuj membraj flugkompanioj kune havas 4 176 aviadilojn kaj ĉiujare transportas plimalpli 636 milionojn da pasaĝeroj.[1] La organizaĵo sekve estas la tutmonde plej granda flugkompania alianco.
Historio
La alianco fondiĝis la 14-an de majo 1997 kiel unua proksima fluglinia ligo de flugkompanioj Air Canada, United Airlines, Lufthansa, SAS Scandinavian Airlines kaj Thai Airways. Ĉefa celo de la alianco estas ekonomiaj avantaĝoj, kiujn oni serĉas per la sekvaj metodoj:
- komunaj kaj samecaj ofertoj por ofertoj por oftaj flugantoj
- komunaj atendejoj (angle lounges) kaj pli poste ankaŭ ekflugaj konstruaĵoj (angle terminals) en flughavenoj (ekzemple la ekfluga konstruaĵo 2 de la flughaveno Munkeno aŭ la konstruaĵo Skylink de la flughaveno Vieno).
- laŭhorare interkonsentitaj regulaj flugoj, kreantaj tutmondan flugan reton
- unuecaj biletoj por flugoj de ĉiuj kompanioj de la alianco
- egaligo de kvalitaj normoj
- komunaj mendoj de novaj aviadiloj kaj de anstataŭigaj partoj
- komuna luado de aviadiloj
- komunaj rajtoj uzi flugliniojn
En la fonda ceremonio en la flughaveno de Frankfurto-ĉe-Majno grupiĝis kvin aviadiloj, po unu de la kompanioj Thai Airways, United Airlines, SAS, Air Canada kaj Lufthansa al kvinpinta stelo - kaj sekve ankaŭ la regula emblemo de la alianco iĝis kvinpetala simbolo simila al kvinpinta stelo.
Poste akceptiĝis pliaj flugkompanioj, kaj en 2004 ekfunkciis "regiona koncepto", por ekservi ankaŭ pli malgrandajn aviadajn merkatojn per regionaj flugkompanioj kiel la finna entrepreno Blue1.
La informadika entrepreno de la kompanio Lufthansa laŭmende de la aliancaj membrokompanioj momente pliperfektigas la komputilan programaron por finunuecigi la organizadon de flugoj kaj disdonon de sidlokoj. Kiel unuaj kompanioj la aliancaj membroj Lufthansa, United Airlines kaj Singapore Airlines uzos la unuecan programaron.
Membrokompanioj
Nunaj membrokompanioj
1Shanghai Airlines forlasos la aliancon fine de oktobro 2010, ĉar ĝin transprenos la kompanio China Eastern Airlines, kiu estas membro de la konkurenca alianco Skyteam
Aliĝkandidato(j)
| kompanio | ŝtato | aliĝdato |
|---|---|---|
| Air India | Barato | probable printempe 2011 [2] |
Eksaj membrokompanioj
La sekvaj komanioj estis aliancaj membroj kaj pro diversaj kialoj forlasis ĝin:
| kompanio | ŝtato | malaliĝo | kialo de la malaliĝo |
|---|---|---|---|
| Ansett Australia | Aŭstralio | 2002 | bankrotiĝis |
| Mexicana de Aviación | Meksiko | 2004 | Malaliĝis pro konflikto kun United Airlines pri flugliniaj rajtoj kaj la 10-an de novembro aliĝis en la konkurenca alianco oneworld |
| VARIG | Brazilo | 2006 | bankrotiĝis; la posteula kompanio VRG Linhas Aéreas ne plu plenumis la kondiĉojn de alianca membro kaj estis malmembrigita |
| Shanghai Airlines | Ĉinio | 2010 | malaliĝos fine de oktobro 2010, la kompanio transpreniĝos de la kompanio China Eastern Airlines |
Strukturaj datumoj
| bazaj datumoj | ||
|---|---|---|
| Star Alliance | Lufthansa (por komparo) | |
| spezoj | 171,22 miliardoj da USD (2009) | 33,86 miliardoj da USD (2009) |
| ĉiutagaj flugoj | 19.700 (2009) | 2.005 (2009) |
| alflugataj ŝtatoj | 175 (2009) | 78 (2009) |
| alflugataj flughavenoj | 1077 (2009) | 206 (2009) |
| "venditaj pasaĝeraj kilometroj" (RPK) | 1.212,7 miliardoj (2009) | 154,15 miliardoj (2009) |
| pasaĝeroj po jaro | 603,5 milionoj (2009) | 70,5 milionoj (2009) |
| dungitoj | 458.817 (2009) | 108.123 (2009) |
| aviadiloj | 3993 (2009) | 534 (2009) |
Fonto: "Star Alliance Facts and Figures" ("faktoj kaj tabeloj pri la alianco", dokumento en formato PDF)
Notoj
- ↑ 1,0 1,1 1,2 Star Alliance (stato julio 2010): „membraj kompanioj de la Star Alliance“ (ĉi-tie germanlingve)
- ↑ Irish Sun: "Air India to join Star Alliance by March 2011" ("Air India probable aliĝos al Star Aliance ĝis marto 2011"), 15-a de majo 2010
Eksteraj ligiloj
Fondomembroj: Air Canada | Lufthansa | SAS Scandinavian Airlines | Thai Airways International | United Airlines
Pliaj membroj: Adria Airways | Aegean Airlines | Air China | Air New Zealand | All Nippon Airways | Asiana Airlines | Austrian | Blue1 | British Midland Airways | Brussels Airlines | Continental Airlines | Croatia Airlines | EgyptAir | LOT | Shanghai Airlines | Singapore Airlines | South African Airways | Spanair | Swiss International Air Lines | TAM Linhas Aéreas | TAP Portugal | Turkish Airlines | US Airways
Deciditaj aliĝoj: Air India
Eksaj membroj: Ansett Australia | Mexicana de Aviación | VARIG