Subvencio Cigno
Subvencio Cigno estis subvencio donata ĉiujare al Esperantistoj laborantaj en evolulandoj aŭ ekssocialismaj Eŭropaj landoj, kiuj faris gravajn kontribuojn al la afero de Esperanto. La premio konsistis el 500 000 japanaj enoj donacita de la japana mecenato Etsuo Miyoshi.
La premion de 1995 ĝis 2011 aljuĝadis Universala Esperanto-Asocio kaj ĝi estis transdonata dum ferma ceremonio de Universala Kongreso de Esperanto.
La 15-an de decembro 2011 Miyoshi kreis la Fondaĵon Cigno, kiu premias plej bonan informan agadon de Esperanta landa asocio en Eŭropa Unio. Prezidanto de la fondaĵo estas S-ino Ayako Kawakita.
Ricevintoj[redakti | redakti fonton]
- 1995: Fondaĵo “Socio kaj Esperanto” (Bulgario) / Litova Esperanto-Asocio
- 1996: Eldona projekto de vortaro kaj lernolibro de Esperanto en la araba
- 1997: Kuba Esperanto-Asocio
- 1998: Vjetnama Esperanto-Asocio
- 1999: Afrika Kongreso de Esperanto
- 2000: Indiĝenaj Dialogoj
- 2001: Eldonejo Sezonoj
- 2002: Amerika Komisiono de UEA
- 2003: Armena Esperantista Unuiĝo / Federacio Esperanto de Barato
- 2004: Azia-Oceania Komisiono de UEA
- 2005: Projekto “Lingvo de Paco”
- 2006: Projekto “Nesto” / Eldona projekto de tagaloga Esperanto-vortaro
- 2007: Kuba Esperanto-Asocio
- 2008: Projekto Srilanko de la Komisiono pri Azia Esperanto-Movado
- 2009: Bjalistoka Esperanto-Centro (Centro Ludoviko Zamenhof)
- 2010: Esperanto-Ligo de Bosnio kaj Hercegovino / Komisiono MONA
- 2011: Fondaĵo Ameriko / Esperanta Kinofestivalo / Dokumenta Esperanto-Centro