Sudĉina Maro
El Vikipedio
La Sudĉina Maro (ĉine 南海, Nán Hǎi, "Suda Maro"), vjetname: Biển Đông, "Orienta Maro") estas parto de la "Ĉina Maro", la plej okcidenta parto de la Pacifika Oceano. Al ĝi apartenas la Golfo de Tajlando kaj la Golfo de Tonkin.
La maro situas inter Ĉinio, la duoninsulo de Kamboĝo kaj Vjetnamio, la duoninsulo de Malajzio kaj la insuloj Tajvano), Luzono, Palaŭano kaj Borneo.
Marbordojn al la Sudĉina Maro havas la ŝtatoj Ĉinio, Tajvano (Respubliko de Ĉinio), la Filipinoj, Malajzio, Brunejo, Indonezio, Singapuro, Tajlando, Kamboĝo kaj Vjetnamio.
Pluaj insuloj estas inter alie Hainan, la Natuna-insuloj, la Anabas-insuloj, la Spratly-insuloj kaj la Paracel-insuloj. Pri la lastaj du insularoj konkurencas pluraj regionaj ŝtatoj. Kialo por tiu konkurenco estas la strategia signifo de la maro kiel trafika vojo de ŝipa komerco.
- Areo: 2.975.000 km²
- Plej granda profundo: 5016 m
