Sudĉina Maro

El Vikipedio, la libera enciklopedio
(Alidirektita el Sud-Ĉina Maro)
Saltu al: navigado, serĉo
La Sudĉina Maro.
Reliefa mapo.

La Sudĉina Maro (ĉine 南中国海, Nán Zhōngguó Hǎi, "Suda Ĉina Maro") estas parto de la Ĉina Maro, la plej okcidenta parto de la Pacifika Oceano. Al ĝi apartenas la Golfo de Tajlando kaj la Golfo de Tonkin.

La maro situas inter Ĉina Popola Respubliko, la duoninsulo de Kamboĝo kaj Vjetnamio, la duoninsulo de Malajzio kaj la insuloj Tajvano, Luzono, Palavano kaj Borneo.

Marbordojn al la Sudĉina Maro havas la ŝtatoj Ĉina Popola Respubliko, Tajvano (Respubliko de Ĉinio), la Filipinoj, Malajzio, Brunejo, Indonezio, Singapuro, Tajlando, Kamboĝo kaj Vjetnamio.

Pluaj insuloj estas inter alie Hajnano, la Natuna-insuloj, la Anabas-insuloj, la Spratly-insuloj kaj la Paracel-insuloj. Pri la lastaj du insularoj konkurencas pluraj regionaj ŝtatoj. Kialo por tiu konkurenco estas la strategia signifo de la maro kiel trafika vojo de ŝipa komerco.

  • Areo: 2.975.000 km²
  • Plej granda profundo: 5016 m

Nomoj[redakti | redakti fonton]

La maro havas diversajn nomojn.

  • Ĉina Popola Respubliko - ĉine 南海, Nán Hǎi, "Suda Maro", aŭ 南中国海, Nán Zhōngguó Hǎi, "Suda Ĉina Maro".
  • Respubliko de Ĉinio - ĉine 南海, Nán Hǎi, "Suda Maro", aŭ 南中國海, Nán Zhōngguó Hǎi, "Suda Ĉina Maro".
  • Vietnamio - vjetname: Biển Đông, "Orienta Maro".
  • Filipinoj - tagaloge Dagat Luzon "Maro de Luzono", aŭ Dagat Kanlurang Pilipinas "Okcidenta Filipina Maro".