Sud-koreaj ĉiamverdaj arbaroj
| Sud-koreaj ĉiamverdaj arbaroj | ||||
|---|---|---|---|---|
| ekoregiono | ||||
 | ||||
| ekoregiono laŭ Monda Natur-Fonduso • ekoregiono [+] | ||||
|
||||
La sud-koreaj ĉiamverdaj arbaroj estas tersupraĵa ekoregiono el la orientazia ekoprovinco de la palearktisa ekozono laŭ la tipologio de la Monda Natur-Fonduso (WWF). Biome la ekoregiono apartenas al mezvarmaj foliaj kaj miksaj arbaroj de la ekstrema sudo de Koreujo.
Priskribo[redakti | redakti fonton]
La sud-koreaj ĉiamverdaj arbaroj okupas areon de 14 700 kvadrataj kilometroj en Sud-Koreujo, ĉe la suda marĝeno de la korea duoninsulo, same kiel en insulo Ĵeĵu-do en Orientĉina Maro, 60 km for de la korea marbordo. La klimato estas humida kaj mezvarma. La precipitaĵo averaĝas je 1000 mm jare, kun du trionoj kiuj falas inter junio kaj septembro. La vintroj estas pli sekaj kaj mildaj, kun averaĝa temperaturo por januaro de 2 ºC. Ekzistas fojaj vintroneĝadoj, sed la neĝo malofte akumulas.
Flaŭro[redakti | redakti fonton]
La natura vegetaĵaro estas ĉiamverda foliarba laŭrisilva arbaro, kun membroj de la fagacoj (Castanopsis cuspidata, Quercus acuta, kaj Quercus myrsinifolia kaj de la laŭracoj Persea thunbergii, Cinnamomum camphora, kaj aliaj kiuj okulfrape ĉeestas. Aliaj arboj kaj arbedoj inkludas Carpinus laxiflora, Elaeocarpus, Neolitsea, Daphniphyllum macropodum, Ilex integra, Hedera, Eurya japonica, Pittosporum tobira, kaj Viburnum awabuki.
La Bijarim-arbaro en Ĵeĵu-do gastigas densajn arbarerojn de Torreya nucifera (taksacoj).
Minacoj kaj konservado[redakti | redakti fonton]
La arbaroj estas plejparte neniigitaj, anstataŭigitaj per intensa agrikulturo. Enklavoj ekzistas en la Naciaj Monumentoj Ulsan, Hampyeong, Naejang-san, kaj en Ĵeĵu-do.
La ekoregiono entenas la Naciajn Parkojn Dadohaehaesang, Hallyeohaesang, kaj Wolchulsan sur la kontinento, kaj Hallasan en Ĵeĵu-do.
Vidu ankaŭ[redakti | redakti fonton]
| ||||
Eksteraj ligiloj[redakti | redakti fonton]
- angle Ekoregiono PA0439 : Sud-koreaj ĉiamverdaj arbaroj (WWF)
- angle Sud-koreaj ĉiamverdaj arbaroj (WWF-Wildworld)
- angle Sud-koreaj ĉiamverdaj arbaroj (Wildworld) - Nacia Geografia Societo
- angle Sud-koreaj ĉiamverdaj arbaroj (The Encyclopedia of Earth)
- angle Sud-koreaj ĉiamverdaj arbaroj (Globalspecies) Arkivigite je 2016-03-07 per la retarkivo Wayback Machine