Sudokcident-arabaj montaraj duonarbaroj

El Vikipedio, la libera enciklopedio
Saltu al: navigado, serĉo
Situo de la ekoregiono.

La sudokcident-arabaj montaraj duonarbaroj estas ekoregiono el la sudaraba ekoprovinco de la afrotropisa ekozono laŭ la tipologio de la Monda Natur-Fonduso (WWF). Biome ĝi apartenas al dezertoj kaj kserofitaroj. La ekoregiono ankaŭ troviĝas unuflanke en la tutmondaj 200-regiono "arab-altaĵaj duonarbaroj kaj kserofitaroj", kaj aliflanke en la biodiverseco-riĉaĵejo orienta afromontano difinita fare de la organizaĵo Naturprotekto Internacie.

Priskribo[redakti | redakti fonton]

La ekoregiono okupas areon de 87 023 kvadratajn kilometrojn, troviĝante super altitudo de 2 000 metroj en Asir-Montaro de sudokcidenta Saŭda Arabujo kaj la okcidentaj altaĵoj de Jemeno.

Flaŭro[redakti | redakti fonton]

La flaŭro ŝanĝiĝas laŭ altitudo. Ĉiamverda duonarbaro kaj arbustaro troviĝas inter altitudoj de 2 000 kaj 2 500 metroj, kun Olea chrysophylla kaj Tarchonanthus camphoratus kiel superregantaj arboj. Super altitudo de 2 500 metroj, nubarbaroj estas troveblaj je pli humidaj nord-flankaj deklivoj; plejofte ili konsistas el grandaj arbedoj kaj arbetoj de altkreska junipero kaj Euryops arabicus, kovritaj kun la likeno Usnea articulata. Je la pli sekaj sud-flankaj deklivoj arbustetaj arbaroj de Rubus petitianus, Rosa abyssinica, Alchemilla crytantha, Senecio spp., Helichrysum abyssinicum, Aloe sabae, kaj Euphorbia ssp. estas komunaj.

Faŭno[redakti | redakti fonton]

La araba leopardo (Panthera pardus ssp. nimr) kaj araba lupo (Canis lupus ssp. Arabs) estas krize endanĝerigitaj. Aliaj mamuloj inkluzivas Papio hamadryas, karakalon Caracal caracal ssp. schmitzi, Procavia capensis ssp. jayakari, kaj hienon (Hyaena hyaena).

Minacoj kaj konservado[redakti | redakti fonton]

En Jemeno, tradicio de altmontara agrikulturo dum dumil jaroj naskigis sensacian terasigitan pejzaĝon je la krutaj montaraj deklivoj. Tamen, tiu forigis plimulton de la arbara kaj maldensarbara kovraĵo kaj nur dessimitaj makuloj de duonarbaro nuntempe postrestas.

Vidu ankaŭ[redakti | redakti fonton]


Afrotropisaj dezertoj kaj kserofitaroj
AT1301 Aldabra-insularaj kserofitaroj Sejŝeloj
AT1303 Orient-saharaj montar-kserofitaraj duonarbaroj Ĉado, Sudano
AT1304 Eritrea marborda dezerto Eritreo, Ĝibutio
AT1305 Etiopaj kserofitaj herbejoj kaj arbustaroj Eritreo, Etiopujo, Ĝibutio, Somalujo
AT1310 Kaoko-Dezerto Angolo, Namibio
AT1311 Madagaskaraj veprejoj Madagaskaro
AT1315 Namiba Dezerto Angolo, Namibio
AT1318 Sokotraj kserofitaroj Jemeno
AT1321 Sudokcident-arabaj montaraj duonarbaroj Jemeno, Saŭda Arabujo

Eksteraj ligiloj[redakti | redakti fonton]