Sudslava Esperanto-Ligo

Reviziita versio de ĉi tiu paĝo, aprobita je 29 okt. 2013, estis bazita sur ĉi tiu versio.

Sudslava Esperanto-Ligo - ofte ankaŭ nomata Jugoslava respektive Jugoslavia Esperanto-Ligo^[1] - estis esperantista organizaĵo fondita en 1923. Ĝi havis sian centran oficejon en Zagrebo, kie okazis ankaŭ la unua Sudslava Esperanto-Kongreso en 1923, kaj agadis paralele al la eldonejo kaj librovendejo Sudslava Esperanto-Servo jam fondita en 1922, ambaŭ sub gvidado de d-ro Duŝan Maruzzi. Sekretario kaj vic-prezidanto dum pluraj jaroj estis Ivo Rotkvić. La Dua Mondmilito finigis la agadon de la organizaĵo. Sekvaĵo post la milito estis Jugoslavia Esperanto-Federacio fondita en 1946.

Referencoj

↑ Ekzemple en la Enciklopedio de Esperanto de 1934 uzatas kaj la formo "Sudslava" (inter alie en la artikolo "Jugoslavio") kaj "Jugoslavia" (inter alie en la artikolo "Ivo Rotkvić") - etimologie "jugoslava" simple signifas "sudslava". Eblas interrete vidi la originajn artikolojn.

Ĉi tiu artikolo ankoraŭ estas ĝermo pri Esperanto.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

[1] Ekzemple en la Enciklopedio de Esperanto de 1934 uzatas kaj la formo "Sudslava" (inter alie en la artikolo "Jugoslavio") kaj "Jugoslavia" (inter alie en la artikolo "Ivo Rotkvić") - etimologie "jugoslava" simple signifas "sudslava". Eblas interrete vidi la originajn artikolojn.

[1]