Suhr

El Vikipedio, la libera enciklopedio
Saltu al: navigado, serĉo
Suhr
Blazono de Suhr
Hotelo zum Kreuz en la centro de Suhr
Kantono Argovio
Distrikto Araŭo
Koordinatoj  47°22′30″N 8°4′50″O  /  47.375°N, 8.08056°O / 47.375; 8.08056 (Suhr)Koordinatoj: 47°22′30″N 8°4′50″O  /  47.375°N, 8.08056°O / 47.375; 8.08056 (Suhr)
Nombro de enloĝantoj 9556
Areo 10,62 km²
Alteco 397 m super marnivelo
Poŝtkodo 5034
Komunumkodo 4012
Mapo de Suhr

Pri la komunumo[redakti | redakti fonton]

Suhr estas komunumo en la distrikto Araŭo de Kantono Argovio, Svislando. Kun 9556 loĝantoj je la 31-a de decembro 2008 ĝi atingis preskaŭ la grandecon de urbo.

Geografio[redakti | redakti fonton]

Ronddomo de Calvatrava en la centro de Suhr
La rivero Wyna en Suhr

Suhr situas en la suba valo de la rivero Suro sude de la alfulejo de Wyna al ĉi-antaŭa. La komunumo apartenas al la aglomeraĵo de la kantona ĉefurbo Araŭo.

La teritorio de la komunumo etendiĝas sur areo de 10,62 km², de kiuj 4,71 km² estas kovritaj de arbaro kaj 2,83 km² de konstruaĵoj. La plej alta punkto troviĝas sur monteto je alteco de 570 m s.m., kiu simple nomiĝas Berg (= Monto en Esperanto) kaj la plej malalta punkto sur alteco de 385 m s.m. ĉe la bordo de la rivero Suro.

Najbaraj komunumoj[redakti | redakti fonton]

La komunumo Suhr limas en nordo al Buchs, en nordoriento al Rupperswil, en oriento al Hunzenschwil, en sudo al Gränichen, en sudokcidento al Oberentfelden, en okcidento al Unterentfelden, kaj en nordokcidento al Araŭo.

Trafiko[redakti | redakti fonton]

Suhr situas ĉe la trajnlinio de Svisaj Federaciaj Fervojoj de Zofingo al Lencburgo. Krome tra Suhr pasas la etŝpura tramfervojo Wynatalbahn (Wyna-Val-Fervojo) de Araŭo al Menzikon.

La komunumo Suhr situas meze inter la du aŭtvojalveturejoj Araŭo-Oriento kaj Araŭo-Okcidento de la svisa aŭtovojo A1.

Historio[redakti | redakti fonton]

La unua dokumenta mencio de Suhr datiĝas el la jaro 1045 kiel Sura[1].

En mezepoko Suhr troviĝis unue sub la jurisdikcio de la Grafoj de Lencburgo kaj poste de la Grafoj de Kiburgo, kies havaĵo post ties formorto transiris al la Habsburgoj en la jaro 1264.

Post la konkero de Argovio fare de la Svisa Ĵurkomunumo en la jaro 1415 Suhr fariĝis berna posedaĵo kaj nun dum preskaŭ kvar jarcentoj sub berna servuteco apartenis al Berna Argovio. En la jaro 1798 okaze de la Helveta Revolucio francaj trupoj liberigis Argovion el la ĵurkomunuma servuteco kaj atribuis la komunumon al la distrikto Araŭo de la nove fondita Kantono Argovio.

En la jaro 1810 la vilaĝoj Buchs AG kaj Rohr AG, kiuj ĝis tiam formis parton de Suhr, disiĝis de la komunumo kaj fariĝis propraj aŭtonomaj komunumoj.

Fontindikoj[redakti | redakti fonton]

  1. Vidu paĝojn pri historio en la oficiala retejo de Suhr

Eksteraj Ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso Suhr