Superba fruktokolombo

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Superba fruktokolombo
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Kolomboformaj Columbiformes
Familio: Kolombedoj Columbidae
Genro: Ptilinopus
Specio: P. superbus
Ptilinopus superbus
(Temminck, 1809)
Konserva statuso
{{{220px}}}
Konserva statuso: Malplej zorgiga
Aliaj Vikimediaj projektoj
v  d  r
Information icon.svg

La Superba fruktokolombo (Ptilinopus superbus), konata ankaŭ kiel la Purpurkrona fruktokolombo, estas mezgranda (22-24 cm longa), kolorplena fruktokolombo de la familio de Kolombedoj.

Teritorio[redakti | redakti fonton]

Inidiĝena de Aŭstralazio, la Superba fruktokolombo loĝas en pluvarbaroj de Nov-Gvineo, Aŭstralio, Salomonoj, Filipinoj kaj Sulaveso de Indonezio. En Aŭstralio, ĝi troviĝas el suda Viktorio norden, kie ĝi iĝas pli komuna en Kabo Jorko en Kvinslando. En kelkaj areoj de sia teritorio, kiel ĉe la pluvarbaroj de Nov-Gvineo, ĝi estas loĝanta birdo; en pli marĝenaj aŭ laŭsezonaj habitatoj kiel tiuj de Aŭstralio, oni konas arojn moviĝantajn laŭ la manĝodisponeblo (Frith et al. 1976).

Aspekto[redakti | redakti fonton]

Seksoj varias laŭ la Seksa dumorfismo. Maskloj estas superbe koloritaj de tre oranĝa nuko, verdaj oreloj kaj purpura krono. La brusto estas griza, kaj dividita el la ventro de larĝa kaj malhelblua strio. Ĝiaj flugiloj estas olivverdaj kovritaj de malhelaj punktoj, kaj la vosto estas havas blankajn pintojn. Inoj estas ĉefe verdaj, kun blanka ventro, bluaj flugilpintoj, helblua brusto kaj eta malhelblua punkto en la dorso de la kapo. Ambaŭ seksoj havas flavajn okulojn kaj okulringojn. Spite ĝia kolorplena plumaro, la Superba fruktokolombo kapablas lerte kamufli inter la foliaro de la pluvarbaro.

Dieto[redakti | redakti fonton]

La Superba fruktokolombo manĝas ĉefe fruktojn kaj berojn. En la areo de Port Moresby, la kerno de ĝia dieto estas figoj, drupoj kaj palmofruktojn. Ili manĝas ofte ankaŭ fruktojn de cinamarbo, Litsea, Neolitsea kaj Cryptocarya. Malpli grave, sed ili manĝas ankaŭ fruktojn de Ilang-ilang (Cananga odorata), Syzygium kaj Vitex cofassus. Ili manĝas pli etajn fruktojn ol aliaj kolomboj; la plej granda informita estis 2.5 cm³; en sferoforma frukto, kun 1.7 cm diametro[1].

Kutimaro[redakti | redakti fonton]

La flugiloj de la Superba fruktokolombo fajfas dumfluge kaj ĝia voĉo estas konstanta kuu-kuu-kuu-kuu.

La reprodukta sezono daŭras el septembro ĝis januaro. Ili konstruas etan platformon el bastonetoj kaj branĉetoj 5-30 metrojn supergrunde, kie la ino demetas ununuran etan blankan ovon. Ŝi kovas dumtage kaj la masklo dumnokte.

Konservado[redakti | redakti fonton]

La perdo de habitato estas unua minaco, sed la Superba fruktokolombo estas ankoraŭ sufiĉe disvastigita kaj komuna tra sia granda teritorio. La IUCN Ruĝa Listo de Minacataj Specioj konsideras ĝin kiel Malpli Zorgo[2]. En Novsudkimrio, tamen, la Superba fruktokolombo estas konsiderata vundebla, povas iĝi endanĝerita[3].

Eksteraj ligiloj[redakti | redakti fonton]

BirdLife Specidatumbazo Birdoj en kortoj

Notoj[redakti | redakti fonton]

  1. Frith, H.J.; Rome, F.H.J.C.; Wolfe, T.O. (1976). Food of Fruit-Pigeons in New Guinea. Emu 76(2): 49-58. HTML resumo
  2. IUCN Red List of Threatened Species. (2006). Ptilinopus superbus. Aprilo 16, 2007, el http://www.iucnredlist.org/search/details.php/48847/all
  3. New South Wales Threatened Species. (2005). Superb Fruit-dove. Retrieved April 16, 2007, from http://threatenedspecies.environment.nsw.gov.au/tsprofile/profile.aspx?id=10709