TSV 1860 München

El Vikipedio, la libera enciklopedio
Saltu al: navigado, serĉo
TSV 1860 München
TSV 1860 München.svg
Nomo de klubo  Turn- und Sportverein München von 1860 e.V.
Kromnomo Sechzger (Sesdekuloj)
Die Löwen (La Leonoj)
Fondita  la 17-an de majo 1860
Stadiono  Allianz-Arena
Munkeno, Flago-de-Germanio.svg Germanio
Kapacito  69.901
Prezidanto  Flago-de-Germanio.svg Dieter Schneider
Trejnisto  Flago-de-Germanio.svg Reiner Maurer
Ligo  Germana 2-a Federacia Ligo pri Futbalo (2. Bundesliga)
2010/2011  9-a pozicio
Trikoto Kit body 1860 2012 1.png Kit right arm 1860 2012 1.png
Kit shorts.png
Kit socks.png
 
Hejme
Trikoto Kit body 2012 2012 2.png Kit right arm 1860 2012 1.png
Kit shorts.png
Kit socks.png
 
Ekstere
v  d  r
Information icon.svg

TSV 1860 München estas germana sporta klubo, kies sidejo troviĝas en Munkeno, la ĉefurbo de la federacia lando Bavario de Germanio. Ĝi estis unuafoje fondita dum la revolucia jaro 1848, sed baldaŭ poste malpermesita pro "respublikaj aktivecoj", kaj povis refondiĝi nur la 17-an de majo 1860. La klubo aparte konatas pro sia vira futbalteamo, kiu havas rivalan rilaton al la pli juna, sed pli granda samurba klubo FC Bayern München, sed fakte ankaŭ pliaj sportaj disciplinoj estas reprezentataj en la klubo: korbopilko, montogrimpado, boksado, pugnopilko, kegloludo, atletiko, luktosporto, skiado, biciklado, teniso, akvosporto kaj flugpilkado. Antaŭ tiuj klubaj branĉoj atingis multajn naciajn kaj internaciajn sukcesojn: La vira flugpilka teamo ekzemple kvinfoje gajnis la nacian ĉampionecon (1973, 1975, 1978 kaj 1980).

La vira futbalteamo aparte famiĝis dum la 1960-aj jaroj, kiam la teamo dum 1964 kaj 1966 gajnis la nacian ĉampionecon, kaj dum 1965 ankaŭ atingis la finalon de la eŭropa ĉampiona pokalo, sed fine en la Wembley-stadiono de Londono malgajnis kontraŭ la klubo West Ham United. Krome la futbalistoj dum 1942 jam unuan fojon gajnis la nacian ĉampionecon kaj dum 1931 kaj 1967 atingis la duan lokon.

la stadiono Allianz-Arena en Munkeno

La stadiono de la profesia vira futbalteamo ekde la jaro 2005 estas la tiam finkonstruita Allianz-Arena, kiu disponas je pli ol 69.901 sidlokoj kaj origine po duone estis la posedaĵo de la klubo 1860 kaj de la rivalo FC Bayern München. Tamen jam dum aprilo 2006 la klubo 1860 vendis sian duonon al la klubo Bayern München, por eviti kluban bankrotiĝon - ekde tiam ĝi estas kontrakte ligita ĝis la jaro 2025 al la stadiono kaj luprenas ĝin por siaj matĉoj. Aliaj teamoj trejnas kaj konkuras en stadiono en la strato Grünwalder Strasse, kiu finkonstruiĝis dum 1926 kaj de multaj klubaj subtenantoj ankoraŭ nun konsideratas la "hejma stadiono". La profesia vira futbalteamo de 1926 ĝis 1994 havis siajn matĉojn en la stadiono Grünwalder Strasse, poste ĝis 2005 en la Olimpia Stadiono de Munkeno kaj tiam translokiĝis al la nuna stadiono Allianz-Arena.

Eksteraj ligiloj[redakti | redakti fonton]