Tablomonto (Sudafriko)

El Vikipedio, la libera enciklopedio
Saltu al: navigado, serĉo
La tablomonto: Rigardo de Kaburbo-haveno

La tablomonto (angle. Table Mountain) de Kaburbo situas en la norda parto de montoĉeno sur la Kabo-duoninsulo. Sude de ĝi trovighas la tiel nomata Bonespera Kabo. La plej alta punkto de la tablomonto estas la Maclear’s Beacon ĉe la nordorienta fino de la rokebenaĵo kun 1087 metroj super la marnivelo. Entute la tablomonta mezuras areon de ĉ. 6500 hektaroj.

Geologio[redakti | redakti fonton]

La tablomonto konsistas ĉefe el blanka, malmola grejso. Sub ĝi estas tavolo el granito-ardezo, la tiel nomata Malmesbury Bed. La tablomonto aĝas ĉ. 600 milonoj da jaroj. Origine ĝi havis 5-foje pli grandan altecon ol hodiaŭ. La hodiaŭa aspekto devenas el ventoerozio kaj akvoerozio. Pro fendetoj en la grejso sukcesis enveni akvo kaj tiel la roko iom post iom enkaviĝis.

Geografio[redakti | redakti fonton]

La tablomonto estas tute proksime al Kaburbo kaj ĝi fakte estas la mezo de la urbo. Se estas bona vetero oni ankaŭ povas vidi ĝin en la Nacia Parko de la okcidenta bordo

Naturo[redakti | redakti fonton]

Sur la tablomonto ekzistas unika biodiverseco. Oni ĝis nun scias pri ĉ. 1400 diversaj plantspecioj. Tio estas pli ol en tuta Britio. Multaj el tiuj plantoj estas endemiaj, ĉar ili ne troviĝas en iu alia loko de la mondo.

La tablomonto estas unu de la plej ofte vizitataj vidindaĵoj de Sud-Afriko.

Vidu ankaŭ[redakti | redakti fonton]

Eksteraj ligiloj[redakti | redakti fonton]

Rigardo al la tablomonto