Tadeusz Cymański

El Vikipedio, la libera enciklopedio
Saltu al: navigado, serĉo
Tadeusz Cymański
Tadeusz Cymański
Oficanta
Funkcio akceptita:
la 14-a de julio 2009

Naskiĝo la 6-an de junio 1955
en Nowy Staw
Politika partio Solidara Pollando
v  d  r
Information icon.svg

Tadeusz CYMAŃSKI (naskiĝis la 6-an de junio 1955 en Nowy Staw) estas pola politikisto, municipano, urbestro de Malbork en la jaroj 1990 - 1998, parlamentano de Pola Sejmo en la jaroj 1997 - 2001, 2001 - 2005, 2005 - 2007 kaj de la jaro 2009 Membro de Eŭropa Parlamento (Eŭropaj balotoj 2009 en Pollando); li tre favoras por Esperanto.

Biografio[redakti | redakti fonton]

En la jaro 1978 li finis la Universitaton en Gdansko, Fakultaton pri Ekonomiko de Transporto, la ekonomikon de landa transporto. De la jaro 1972 ĝis 1978 estis la ano de pola Asocio de Socialisma Junularo kaj Socialisma Asocio de Polaj Studentoj. Dum la studado pro manko da mono laboris kiel tombisto. En la jaroj 1978 - 1990 laboris en la Agrikultura Banko en Malbork kiel revizoro. En la jaro 1980 aktiva en la sendependa pola sindikato Solidareco / Solidarność, kaj estis la prezidanto de la Entreprena Komisiono de Solidareco en Agrikultura Banko en Malbork. Dum la jaroj 19891990 li agadis en la Civitana Komitato Solidareco / Solidarność, li estis Prezidanto de Civitana Komitato en Malbork. De la jaro 19901998 li estis Urbestro de Malbork, dum la sekvontaj tri jaroj li estis ano de la Urba Konsilantaro. Dum la jaroj 1989 - 1998 estis la ano de partio La Centra Interkonsento kaj poste, de la jaro 2001 en la Konservativ-Popola Partio. Dum la jaroj 2001 - 2002 aktivis en la Alianco de Dekstrularo kaj estis la Prezidanto de ties partio en la Pomeria Vojevodio. En la jaroj 2002 - 2011 li estis ano de la partio Juro kaj Justeco (de la jaro 2004 ĝis la jaro 2007 estis ĉefo de ties en Pomerio). En la jaroj de 1997 ĝis 2009 senrompe estis parlamentano de Pola Sejmo. Dum la balotado al Sejmo en la jaro 2005 li ricevis 23.518 balotvoĉojn kaj en la jaro 2007 - 17.726. De la 9-a de novembro 2005 li estis en la parlamento Vicprezidanto de la Soci-Politika Komisiono, ankaŭ en la Komisiono pri Sano kaj en la Komisiono pri Teritoria Municipo kaj Regiona Politiko. En la jaro 2009 dum la balotado al Eŭropa Parlamento (Eŭropaj balotoj 2009 en Pollando) li estis elektita kiel MEP ricevante 41.521 voĉojn, kaj estas tie en la Komisiono pri Rajtoj de Virinoj kaj Egalrajteco. La 4-an de 2011 la politika komitato de Juro kaj Justeco forigis lin de la partio, krome forigitaj estis MEP-oj Ziobro kaj Kurski. Tiam la forigitoj kreis novan partion Solidara Pollando en kiu li estas Prezidanto de la Program-Konsilantaro.

Privata vivo[redakti | redakti fonton]

Li posedas la ŝak-titolojn kaj la unuan ŝak-kategorion. En al jaro 2003 venkis en la simultana ŝakludo la ŝak-mondĉampionon Anatolij Karpov, MEP Cymański estis nomata la plej bona ŝakisto en Pola Parlamento (Anatolij Karpov en la simultano en pola parlamento malvenkis nur kun Cymański). Dum multaj jaroj kiam li estis Urbestro de Malbork kaj pola parlamentano li organizadis la ŝak-turniron je Pokalo de Direktoro de la Kastela Muzeo en Malborko. Li estas filatelisto. Li estas edziĝinta kaj havas 5 infanojn. En la plebiscito de Pola Radio Gdansko li gajnis titolon "Personeco de la jaro 2005".

Esperanto[redakti | redakti fonton]

Li tre favoras al Esperanto. En la jaro 2003 kunfinancis unu ZEOn (Zamenhof-Esperanto-Objekto), en la Esperanta "PARKO de la MONDO" en la urbo kie li loĝas t.e. Malbork. Kelkfoje renkontiĝis kun la Iniciata Grupo "Esperanto por EU", kun Kazimierz Krzyżak, Marian Zdankowski kaj Eduardo Kozyra (la unuan fojon novembre 2009 en lia Parlamenta Oficejo en Malbork), poste kun la anoj de Pola Asocio Eŭropo - Demokratio - Esperanto (EDE- PL), Kazimierz Krzyżak, Ludwik Kiedrowski kaj Eduardo Kozyra, ekz. la 6-an de aprilo 2013 en lia Parlamenta Oficejo en Gdynia kiam EDE-PL oficiale invitis la MEP Cymański al partopreno en la E-simpozio, kiu okazos en oktobro 2013 en la Ambasado de Eŭropa Komisiono en Varsovio (estis ankaŭ invititaj aliaj MEP-oj: Jerzy Buzek, Jan Kozłowski kaj Joanna Skrzydlewska. La 17-an de oktobro 2012 li vizitis la E-ekspozicion en Pola Senato. Dufoje en la intervjuo kun li, kiel MEP, al la reta TVMalbork favore parolis pri Esperanto, indikante ke tie en Eŭropa Parlamento estus utila Esperanto kiel labor-lingvo. Li estis en la jaro 2011 en la organiz-komitato de grava E-aranĝo en la "PARKO de la MONDO" en Malbork dum kiu aperis du novaj ZEO-j: Kaŝubio kaj la dua omaĝe al Mecenato de Esperanto Etsuo Miyoshi. Dum tiu aranĝo Etsuo Miyoshi ricevis la prezidentan, ŝtatan ordenon, la Kavaliran Krucon de la Ordeno de Merito por Respubliko Pollando de la Pomeria Vojevodo Roman Zaborowski.


Bibliografio[redakti | redakti fonton]

Eksteraj ligiloj[redakti | redakti fonton]