Taegeuk

El Vikipedio, la libera enciklopedio
Saltu al: navigado, serĉo
"Taegeukgi", la flago de Sud-Koreio, kun blua-ruĝa Taegeuk centre.

Taegeuk (aŭ Taeguk) – en la korea alfabeto (hangul) 태극, en ĉinskriba korea lingvo (hanĝa) 太極 – estas la korea ekvivalento de Tajĝio, la ĉina taoisma koncepto de jino kaj jango, la bazaj fortoj kiuj laŭ la taoismo influas ĉion en la mondo. En Sud-Koreio, la simbolo Taegeuk stipe bildiĝas en bluo (eum, aŭ tero) kaj ruĝo (jang, aŭ ĉielo). La du koloroj en la simbolo interplektiĝas kaj simboligu pariĝon kaj harmoniiĝon de la du bazaj fortoj jino kaj jango.

simbolo de tajĝio

La simbolo Taegeuk plej videble bildiĝas sur la Taegeukgi, la flago de Sud-Koreio. Pro la forta asociigo de la simbolo al la nacia flago, la Taegeuk ofte uzatas kiel nacia simbolo kaj la ruĝo kaj bluo kiel naciaj koloroj.

Sam-Taegeuk
alternativa Sam-Taegeuk

Populara variaĵo en Koreio estas la Sam-Taegeuk (三太極), en kiu aldonatas flava lobo, reprezentante humanecon, al la blua kaj ruĝa partoj. La Sam-Taegeuk tre ofte bildiĝas sur tradiciaj koreaj ventumiloj, kaj ankaŭ aperis en la oficiala emblemo de la Somera Olimpiko 1988: La olimpika simbolo - en kiu tri komence paralelaj strioj en bluo, ruĝo kaj flavo densiĝis Sam-Taeguk-forme al centra punkto, sur la kvin olimpiaj ringoj - celis simboligi la renkontiĝon de la diversaj mondaj popoloj dum la ludoj, sed ankaŭ progreson cele al monda paco.

En la sudkorea kineja filmo 주유소 습격 사건 ("Ataku la benzinejon!") de 1999, filma rolulo argumentas ke la usona limonada trinkaĵo Pepsi estus korea produktaĵo ĉar ĝi havas emblemon similan al la Taegeuk.

Uzo kiel simbolo de la paralimpikoj[redakti | redakti fonton]

La oficiala simbolo por la paralimpikoj uzata fare de la Internacia Paralimpika Komitato konsistis de 1988 ĝis 1994 el kvin Taegeuk’oj kaj inter 1994 kaj 2004 el tri, antaŭ ol ĝi anstatŭiĝis fare de tri nesimetriaj lunarkaj simboloj nomataj “agito” (latine “mi moviĝas”).

unua simbolo de la paralimpikoj (1988 ĝis 1994), uzante kvin Taegeuk’ojn.
dua simbolo de la paralimpikoj (1994 ĝis 2004)