The Matrix Reloaded

El Vikipedio, la libera enciklopedio
Saltu al: navigado, serĉo

The Matrix Reloaded (La Matrico Reŝargita) estas filmo, kiun verkis kaj reĝisoris la fratoj Wachowski. Ĝi aperis en 2003 kiel la unua el du sekvaĵoj de The Matrix.

Resumo[redakti | redakti fonton]

Averto: Tio, kio sekvas, montras detalojn de la intrigo de la rakonto.

Maŝinoj tunelas por ataki Cionon, la subteran urbon de la homaj ribeluloj. Samtempe Neo spertas koŝmarojn, en kiu Trinity falas el alta konstruaĵo kaj estas pafita de iu Agento.

Neo renkontas la Orakolon. Ŝi klarigas, ke por savi Cionon li devos iri en la ĉefkomputilon de la Matrico. Tiam Smith aperas, ne detruite, sed ne plu Agento. Li akiris la kapablon multobligi sin, kaj pli ol cent kopioj de li samtempe batalas kontraŭ Neo.

Neo sukcesas atingi la ĉefkomputilon, kie li renkontas la Arkitekton, kreinton de la Matrico. Tiu diras, ke Neo estas la rezulto de neforigebla anomalio en la Matrica matematiko; ke Ciono ekzistas nur por stabiligi la sistemon kontraŭ tiuj, kiuj malakceptas la iluzion; kaj ke la maŝinoj jam kvinfoje detruis Cionon, kaj nun detruos ĝin denove kaj ŝargos la sepan version de la Matrico.

Neo devas elekti, ĉu savi Cionon aŭ Trinity, kies falo el la konstruaĵo nun ne plu estas sonĝo. Pro lia amo al ŝi li elektas savi ŝin, kaj do kontraŭas la profetaĵon de la Orakolo. Tiu profetaĵo estis mensogo por regi la homojn.

En la reala mondo, kelkaj maŝinoj subite atakas, sed Neo iel sukcesas detrui ilin per la volo. Li tamen falas en profundan komaton, same kiel Bane [bejn] — ribelulo, en kies korpo nun loĝas parto de la konscio de Smith.

Ĉefrolas[redakti | redakti fonton]