Traktato de Sèvres

El Vikipedio, la libera enciklopedio
Saltu al: navigado, serĉo

La traktato de Sèvres (Sèvres estas antaŭurbo de Parizo) inter la Triopa Entento kaj la Osmana Imperio estis subskribita la 10-an de aŭgusto 1920. Ĝi signifis disigon de la Osmana Imperio kaj devigis Turkion rezigni pri arabaj teritorioj en Azio kaj norda Afriko.

La traktato deklaris sendependecon de Armenio, aŭtonomion de Kurdistano, prezenton de la grekoj en orienta Trakio kaj okcidenta Anatolio. La traktato donis ĉiujn insulojn de la Egea maro al Grekio (tio gravis por alproksimiĝo de la Dardaneloj).

Ĉar la nova turka nacia registaro rifuzis la traktaton de Sèvres, post la greka-turka milito oni subskribis novan kontrakton (Traktato de Lausanne).