Tramelan

Tramelan
Blazono de Tramelan
Vilaĝocentro de Tramelan
Kantono	Berno
Administra distrikto	Berna Ĵuraso
Malnova distrikto ĝis 2009	Courtelary
Koordinatoj	46°13′25″N 7°6′5″O
Nombro de enloĝantoj	4269
Areo	24,88 km²
Alteco	900 m super marnivelo
Poŝtkodo	2720
Komunumkodo	0446
Mapo de Tramelan

Pri la komunumo

Tramelan estis ĝis la 31-a de decembro 2009 komunumo de la distrikto Courtelary kaj ek de la 1-a de januaro 2010 komunumo de la administra distrikto Berna Ĵuraso en Kantono Berno, Svislando. Ĝi havis 4269 loĝantojn je la 31-a de decembro 2008.

Geografio

Tramelan situas ĉe la suda flanko de la Liberaj Montoj proksimume 15 kilometrojn sudokcidente de Bielo sur alteco de 900 m s.m. Tra la komunumo fluas la rivereto Trame, alfluanto de Birs. Al la komunumo apartenas krom la ĉefvilaĝo Tramelan, kiu urbecan aspekton, la vilaĝetoj Les Reussilles (sur alteco de 1011 m s.m.), Les Gerines (sur alteco de 1038 m m s.m.) kaj Le Cernil (sur alteco de 1005 m m s.m.).

Najbaraj komunumoj

La komunumo Tramelan limas en nordo al Montfaucon (JU), en nordoriento al Les Genevez (JU), en orientnordoriento al Saicourt, en oriento al Tavannes, en sudoriento al Corgémont, en sudokcidento al Mont-Tramelan, en okcidento al La Chaux-des-Breuleux (JU), en nordokcidento al Saignelégier (JU), kaj en nordnordokcidento al Le Bémont (JU).

Trafiko

Tra la komunumo pasas la trajlinio de la Ĵurasaj Fervojoj de Tavannes al Le Noiremont. Krome ekzistas bus- poŝtaŭtolinioj al Glovelier, Saignelégier kaj Saint-Imier.

La komunumo situas ĉe la kantona ĉefvojo 248 de Tavannes al Saignelégier. La plej proksima alveturejo al la svisa aŭtovojo A16 troviĝas proksimume 3 kilometrojn oriente en Tavannes.

Historio

La unua dokumenta mencio de Tramelan datiĝas de la 25-a de februaro 1178 kiel Trameleins.

Tramelan dum mezepoko apartenis al la kapitolo Saint-Imier, sed dum al epoko de la reformacio ĝi transiris al la princepiskopejo Bazelo. De 1797 ĝis 1800 Tramelan apartenis la la franca departemento Mont-Terrible kaj de 1800 ĝis 1815 al Haut-Rhin. En la jaro 1815 Tramelan estis atribuita de la Viena Kongreso al la svisa Kantono Berno, kaj fariĝis parto de la distrikto Courtelary.

Eksteraj Ligiloj

• Oficiala retejo de la komunumo Tramelan

• Vikifontaro|}}
• La vikipedia komunejo

• Komunejo proponas multimediajn dosierojn al temo sub la gloso Tramelan

Bildoj

• 

  Katolika preĝejo de Tramelan

• 

  Interno de la katolika preĝejo de Tramelan

• 

  Restoriacio Aquarium apud la stacidomo de Tramelan

• 

  Samnievla fervojtransirejo en les Reusilles

• 

  Reprezenta domo en la centro de Tramelan

• 

  Ponto de Tramelan

• 

  Sekundara lernejo de Tramelan

• 

  Hotelo-Restoracio La Caleche